/11 /11

Да ги разделиме децата во групи и на секоја група да и дадеме одредена коцка во различна боја.Водачот на играта ја има главната коцка. Кога ќе ја крене коцката со жолта боја тогаш почнува да игра групата која ја има жолтата боја. Кога ќе се крене зелената коцка започнува да игра групата која ја има зелената коцка. Можат истовремено да играат повеќе групи.

Сиромашкиот чичко се сопнал и кошницата полна со ливчиња му паднала на земја. Сега децата ќе му помогнат да ги собере ливчињата така што зелените лисја ќе ги ставаат во зелената кошница, жолтите лисја во жолтата кошница и црвените лисја во црвената кошница.

Да направиме воз од кутии, децата треба да се разделат во толку групи колку што има вагони.Секој вагон има своја боја. Низ просторот да распоредиме топки со боите на вагоните. Потоа секоја група треба да ја најде топката со боја на својот вагон и истата да ја стави внатре во вагонот. Штом сите топки се поставени во вагоните возот може да тргне.