/11 /11

Ете го јуни - пак нешто се буни!

Уште утре сака на гости да ни дојде.

Лут му е на мај,

го брка да си појде...

- Ајде бегај! - му вели

доста ти беше - треба да се селиш.

Цел ден повеќе од мене траеш.

Зар тоа братче не го знаеш?!

А мај го гледа и само се смешка:

- Календарот братче не прави грешка.

Во него е запишано кој до кога "трае".

Зар и ти тоа не го знаеш?

- Го знам тоа, верувај ми брат.

Но и јули и август веќе се на пат.

Сите деца кај нас и во светот,

сакаат што побргу да дојде лето.

Веќе ги чекаат песочните плажи.

Зар не е така?

Ај те молам кажи?

Знам дека е така и во ред се' е.

Но за капење и сончање време уште не е.

Во реките и езерата сеуште е студена водата.

Си има ред и закон, братче, во природата.

Распеани и цветни игри

на децата јас им нудам.

Зошто ми се лутиш

навистина се чудам?

Ама јуни пак се буни

продолжува да се кара.

- Да си оди веднаш

од месец мај се бара!

Мај пак трае и се смешка...

Ај кажете кој е во грешка?!