/11 /11

Тригодишната Емили Џејмс е позрела не само од своите врсници, туку и од многу повозрасните луѓе. Нејзиното големо срце и неверојатното сочуство, за кое се способни само чистите детски срца, ја поттикнаа да им помогне на малите деца заболени од рак.

Емили одлучила да ја донира свјата коса на сите момчиња и девојчиња кои останале без неа, заради тешката болест. Откако дознала дека од нејзината долга коса може да се направи перика за децата кои останале без коса, рекла:

"Тоа е многу тажно. Не сакам ниту едно дете да биде без коса. Јас имам многу и сакам да ја подарам."

Ова неодоливо девојче седна на столчето во фризерскиот салон на својот вујко Метју и прво гледаше како тој ја стрижи нејзината кукла за да и покаже каква фризура ќе има наскоро. Потоа седеше мирно, чекајќи да биде истрижена. Потоа лично таа ја спакува косата, залепи марка на ковертот и ја испрати за поддршка на своите врсници.