/11 /11

Како студенти сите сме искусиле колку е заморно и досадно патувањето со автобус или воз, особено кога патуваме сами и на подолги релации. Од тука потекнува идејата да се креира сервис кој ќе го промени и олесни начинот на кој патувате.

еПревоз претставува социјална мрежа која има за цел да ги спои возачите кои патуваат до некоја дестинација со патниците кои бараат превоз до истата дестинација. еПревоз се стреми кон создавање на заедница која ќе им нуди алтернативен превоз на патниците кои сакаат да патуваат на ваков начин.

Ваквиот начин на превоз е подобар од традиционалното патување со воз или автобус поради следниве причини:

•    Поефтино е. Возачите и патниците наместо сами да го сносат трошокот од патувањето, истиот го делат помеѓу себе со што цената која секој од патниците треба да ја плати е доста пониска.
•    Побрзо е. Сите знаеме колку само многу време е потребно да се стигне од едно место до друго со употреба на воз или автобус. Времето кое го заштедувате е скапоцено.
•    Забавно е. Наместо долгите и досадни патувања, со запознавање на нови луѓе патувањето ќе ви помине како песна.
•    Помало загадување на животната средина поради помалото испуштање на штетни гасови од автомобилите.

Предности на еПревоз

•    Бесплатно
еПревоз е бесплатен не само за возачите туку и за патниците.

•    Едноставно
еПревоз е лесен и едноставен за користење. еПревоз нуди ефикасен систем со кој возачите имаат можност да најдат соодветни патници со кои ќе го делат патувањето. Со самата регистрација имате можност да ги пребарувате сите понуди за превоз и да поставите ваша понуда со критериуми кои што сами ги дефинирате.

•    И многу повеќе
Идејата на сервисот е да претставува заедница каде патниците ќе може да го најдат најудобниот, најсигурниот и најдобриот превоз, а возачите ќе може да одберат добри сопатници со кои ќе го поминат патувањето и истото ќе биде интересно искуство за сите.

Покрај понудите за превоз на еПревоз секојдневно се објавуваат и информации, релеванти не само за возачите туку и за патниците, за временската прогноза и за состојбата на патиштата.

Во моментов се работи и на Android апликација, а во иднина се планира додавање и на нови функционалности на сервисот се со цел полесно планирање на патувањата.

Регистрирајте се на еПревоз >>

Станете фан на нашата страница и обезбедете најбрз превоз >>