/11 /11

Кога одлучувавте  да слабеете прво на што  помислувавте беше да ја исфрлите ужината  и да прескокнете некој редовен оброк. Ќе се изненадите ако ја погледнете едноставната диета на Хелен Фостер, авторката на диетата “Јади цел ден” и веројатно ќе се израдувате со фактот дека можете да уживате во диетата јадејќи пет оброци дневно. Дали сте изненадени или воодушевени?

Според истражувањата спроведени на Универзитетот во Масачусетс, луѓето кои јадат најмалку 4 пати дневно се за 45% послаби во споредба со оние кои имаат 3 или помалку оброци во денот.

Постојат многу причини за тоа. Прва е дека само варењето ги согорува калориите. По само неколку часа од консумирање на оброк богат  со диетални влакна, бројот на калории потребни за варење ќе биде за 15% поголем. Со почесто внесување на помали количини храна го активирате метаболизмот и согорувањето на калории го доведувате до највисока точка.

Како да направите ефикасен план за слабеење?

Лесно. Едноставно јадете 5 пати дневно по еден од долунаведените оброци. Можете секој пат да изберете нешто друго, но пет оброци се задолжителни секој ден. Со секој оброк пијте една чаша вода, чај, кафе или диетален пијалак. Навистина не постои поедноставен начин да станете витки.

За секој оброк  изберете едно од овие јадења:

1. Кајгана од две јајца со малку млеко и неограничена количина на гриловани домати.
2. Напиток од 150 гр. замрзнати боровинки, јогурт со мала масленост и овесни снегулки, сето блендирано.
3. Една тортиља со 25 гр. нискомасно сирење, 1 парче мисиркино месо и една сецкана црвена пиперка. Ставете ја тортиљата во рерна додека сирењето не се стопи.
4. Мешавина од 125 гр. јогуст со мала масленост со 1 дл цеден сок.
5. Грав со 50 гр. колбаси и неограничена количина на гриловани печурки.
6. 100 гр. чипс од јаболка и една рака шери домати.
7. Чинија овошје (јаболка, праски, круши)
8. Половина јаболко намачкано со 1 лажица путер од кикирики.
9. 150 гр. пудинг од ориз сервиран со 1 праска или 2 кајсии и 7 бадеми.
10. Една праска, портокал или банана сервирана со мешавина од 10 јаткасти плодови + 1 чаша млеко.
11. Направете ражничи од карфиол, црвена пиперка, печурки и кромид и печете ги на скара додека зеленчукот не потемни. Сервирајте со 1 лажица кисела павлака.
12. Една чинија зеленчукова супа со една лажица јаболкова киселина.
13. Салата од целер и краставици и една конзерва од туна.
14. Три парчиња шунка сервирани со салата од краставица.
15. 75 гр. нискомасно сирење, 10 маслинки и едно парче домат.
16. Грав со 50 гр. нискомасно сирење и малку чили.
17. Супа од 50 гр. тофу (сирење од соја), морков и лук.
18. 75 гр. туна од конзерва прелиена со 1 лажица нискомастен мајонез.
19. 75 гр. нискомасно сирење и  1 грозд грозје.
20. 100 гр. вегетаријанска паштета и 1 парче целер.
21. Три ќофтиња од парчиња соја и зеленчук.
22. 100 гр. грилована риба, сервирана со 2 лажици печен зеленчук и 1 лажица рендано сирење.
23. Салата од 1 јаболко и 100 гр. варено цвекло.
24. 100 гр. телешко или свинско  месо динстано со многу малку масло.  Сервирајте со салата од краставици, домати и млад кромид.
25. 100 гр. пилешки гради печени на скара прелиени со 1 лажица соја сос и гриловани домати во неограничена количина.