/11 /11

Гласини дека Бред Пит и Анџелина Џоли се венчале во тајност досега можеа да се слушнат повеќе пати. Овој пат нивните пријатели шпекулираат дека парот навистина се венчал за Божиќ, на приватна церемонија на Карибите, каде се со децата на одмор.

Бред и Анџелина одлучиле со семејството да ги поминат празниците на Карипскиот остров Туркс и Каикос, на приватниот имот на славната креаторка Дона Каран, каде што им е овозможена потполна приватност.

Како што некои од нивните пријатели изјавиле за Телеграф, Бред и Анџелина одлучиле тука и да се венчаат, на многу интимна церемонија, на која присуствувале родителите на Бред, сестрата и братот со нивните семејства.

Интересно е тоа што парот уште на 27. ноември ги подигнал своите бурми од приватниот златар Нил Лејн, што дополнително ја подгреа приказната за нивната венчавка.