/11 /11

Јогурт - Добредојде на дневното мени!

Јогуртот е еден од најпопуларните и највкусни млечни производи. Оваа здрава намирница, особено богата со протеин и калциум, може да се употребува како додаток на исхраната или самостоен оброк. Густ, вкусен и освежувачки напиток, јогуртот е корисна навика со која растеме.

Само една чаша Баланс+ јогурт е значаен извор на калциум, фосфор, рибофлавин, јод, цинк и витамин Б5, како и витамин Б12 чија задача е да ги чува црвените крвни зрнца и да помогне во зачувувањето на доброто здравје на нервниот систем. Освен што ја обезбедува потребната витаминска доза, јогуртот исто така е делотворен пијалок за долговечност, го зајакнува имунолошкиот систем и штити од настанување на разни болести, вклучително и некои видови рак. За способноста на овој производ ефективно да ги убива патогените организми сведочат и истражувањата на Американскиот институт за рак, кои покажуваат дека кај луѓето кои секој ден пијат јогурт, стапката на заболеност од тумори е меѓу најниските.   

Бактериските култури кои ги има Баланс+ јогуртот ја регулираат работата на желудникот и го нормализираат варењето на храната во дигестивниот тракт. Овој пробиотски ферментиран млечен производ  со  редовна примена, ја одржува природната рамнотежа на системот за варење, успешно ја регулира столицата, ја намалува подуеноста и болките во стомакот и благотворно влијае на цревната флора.

Овој млечен пијалок е исто така верен сојузник на витката линија, поради калциумот кој ја редуцира работата на масните клетки,  а како резултат на тоа тие согоруваат побрзо и помалку се произведуваат во црниот дроб. Една до две чаши јогурт на ден го максимизира губитокот на масти, а го минимизира губењето на мускулна маса – што претставува најсоодветен начин на исхрана препорачлива за секого.

Чаша јогурт помага за брзо опоравување по тренингот поради вистинската доза на протеини и јаглехидрати кои ги содржи. Протеините осигуруваат аминокиселини кои се неопходни за опоравување на мускулите, а јагленохидратите  ги обновуваат испразнетите енергетски залихи во мускулите.