/11 /11

Директорот на Fertility Group од Quеensland  Австралија, Дејвид Молој кажува дека многу жени погрешно се потпираат на вештачкото оплодување како на сигурен потег, а би требало порано да почнат да работат на проширување на семејството.

Истражувањето кое е спроведено на 1000 жени во Австралија открило дека скоро 64% од испитаниците не знаело дека нивната плодност рапидно опаѓа по 36-та година од животот.

Исто така, истражувањето покажало дека 60% од жените сметаат дека без проблем можат да добијат дете во четириесеттата, благодарение на вештачкото оплодување.

Но, се работи за заблуда.

Др. Молој кажува дека вештачкото оплодување не е гаранција за зачнување, бидејќи кај постарите жени успехот е многу помал.

“Најголеми шанси да добиете дете имате ако се обидувате пред 35-та година од животот. Една од главните причини што паровите не можат да добијат дете е што предоцна се одлучуваат на тој чекор”, вели Др. Молој.

“Шансите за да забремени 35-годишна жена со вештачко оплодување во првиот циклус се 40%. Ако жената има 40 години, шансите се околу 20%”.