Бремена жена

/11 /11

Иако ова е релативно ретка појава, знаењето за неа и препознавањето на симптомите може да направи голема разлика.

Што е одвојување на плацентата?

Плацентата е орган што ги поврзува мајката и плодот, обезбедувајќи хранливи материи и кислород преку пупачето. Одвојување на плацентата значи дека таа делумно или целосно се одлепува од ѕидот на матката пред породувањето, што доведува до крварење и прекин на снабдувањето со кислород и хранливи материи за бебето.

Кои се причините за одвојување на плацентата?

Точните причини не се секогаш јасни, но постојат фактори кои го зголемуваат ризикот:

• Хипертензија (висок крвен притисок)
• Трауми на стомакот (удар или пад)
• Пушење и злоупотреба на дрога
• Претходно одвојување на плацентата
• Предвремено раѓање
• Прекумерна амниотска течност (поли хидрамнион)
• Повеќеплодна бременост

Какви се симптомите?

• Силно крвавење од вагината
• Болка во стомакот или грбот (често силна и постојана)
• Тврда, напната матка која не се релаксира
• Брз пулс и низок крвен притисок кај мајката
• Знаци на стрес кај плодот (поради намален кислород)

Како се дијагностицира и лекува?

• Дијагнозата се постигнува со клинчки преглед, ултразвук и следење на виталните функции на мајката и бебето. Ултразвукот може и да не го покаже одвојувањето, затоа симптомите и прегледот се клучни.
• Лекувањето опфаќа итна хоспитализација и во многу случаи предвремено породување со царски рез. Во полесни случаи, строго мирување и контрола може да бидат доволни.

Превенција и советувања

• Редовни прегледи кај гинекологот и контрола на крвниот притисок
• Избегнување на пушење и алкохол
• Внимавање на безбедноста, избегнување на повреди на стомакот
• Навремено известување на лекар при појава на болка или крварење

Одвојувањето на плацентата е сериозна состојба која бара итна реакција. Најважно е да се препознаат раните знаци и да се побара медицинска помош без одлагање. Со правилна грижа и стручна интервенција, шансите за безбедно мајчинство и раѓање на здраво бебе значително се зголемуваат.