/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Истражувачите утврдиле дека мажите ги претпочитаат кулинарските вештини на своите мајки, бидејќи тие се придржуваат кон традиционалната обилна храна, за разлика од нивните сопруги, кои секогаш им сервираат нешто готово. Истражувањето покажало дека мајките ретко сервираат брза и готова храна и секогаш подготвуваат тоа што сакаат нивните синови.

Од  гледна точка на мажите, поверојатно е дека сопругите ќе подготват набрзина нешто што има во фрижидерот или ќе го затоплат во микробранова печка. Истражувањето спроведено од телевизијата Food Network UK исто така утврди дека една четвртина од мажите ќе се прикрадат во домот на своите мајки за вечера, без да знаат за тоа сопругата или девојката.

“Многу е мил фактот што мажите ја преферираат кујната на мајка си. Како возрасни мажи продолжуваат да го бараат комфорот и традицијата во готвењето, заради што се свртуваат кон мајките, кои ќе им зготват она што посакуваат. Многу од најдобрите рецепти кои ги имаат британските кувари, им биле предадени од нивните мајки”, изјави портпаролот на телевизијата Ник Торогуд.

Анкетата спроведена во Велика Британија покажува дека многу девојки и млади сопруги чувствуваат притисок заради кулинарските вештини на свекрвата. Дури 47% од претставниците на посилниот пол имале храброст да и се пожалаат на мајка си дека храната која ја готви сопругата не е доволно вкусна, како нејзината храна. 20% од нив тоа го правеле на шеговит начин за да не ги повредат чувствата на сопругата, а 10% признале дека се жалаат цело време пред сопругата дека храната не е на ниво на храната која ја подготвува мајка им.

Добар процент од мажите одбивале да јадат храна, ако таа нема ист вкус како храната на мајка им, некои од нив отворено и кажале на сопругата да побара совети за готвење од нивната мајка, за да и подобри своите кулинарски вештини. Како што се очекува, тоа ги поткопувало врските на 2/3 од испитаниците.