Фото:Canva/Кофеинот не е само во кафето и затоа балансот е важен.

/11 /11

Каде се наоѓа кофеин освен во кафето?

Кофеинот е присутен и во: црн и зелен чај, енергетски пијалоци, газирани пијалоци, чоколадо и какао и некои лекови против болка.

Ова значи дека вкупниот дневен внес често е поголем отколку што луѓето мислат.

Колку кофеин е безбеден?

Општо прифатените препораки се:

• до околу 200 mg. дневно во бременост,
• до околу 400 mg. дневно за здрави возрасни.

Овие вредности може да варираат во зависност од здравствената состојба и индивидуалната чувствителност.

Во бременоста, внесот на кофеин е особено важен бидејќи влијае на неа и може да помине преку плацентата до бебето.

Колку кофеин има во различни намирници?

Приближно:

• 1 шолја кафе има 80-120 mg
• 1 шолја црн чај има 40-70 mg
• енергетски пијалок има 80-150 mg
• 100 gr. чоколадо: 10-60 mg

Што се случува при премногу кофеин?

Прекумерниот внес може да предизвика: несоница, нервоза и анксиозност, забрзано чукање на срцето, главоболка и дигестивни проблеми.

Кај бремени жени, може да влијае и на тежината и развојот на бебето ако се претерува.

Како да го намалите внесот?

• Заменете дел од кафето со безкофеински опции.
• Проверувајте ги етикетите на пијалоци и храна.
• Избегнувајте енергетски пијалоци.
• Намалувајте постепено не нагло.

Кофеинот не мора целосно да се избегнува, но важно е да се знае дека се наоѓа во многу повеќе производи од само кафе. Умереноста е клучна, особено во бременоста.

Со внимателен избор на храна и пијалоци, внесот на кофеин лесно може да се држи во безбедни граници.