/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Секој стручњак ќе препорача многу течности, витамини и одмор кога кашлицата ќе нападне, но понекогаш најтешко е да се одморате, стои во резултатите на најновата студија.

Сценариото сигурно ви е познато – легнувате во кревет, се покривате со ќебе, ги затворате очите и – кашлицата станува наподнослива.

Гравитација
Според стручњаците ова е главната причина за силната ноќна кашлица. Кога ќе легнете во кревет содржината (секретот) автоматски се слева низа грлото. Најдобар совет би бил да спиете на повисоко – ставете под главата уште една перница и со тоа ќе го спречите излевањето на секретот во грлото.

Сув воздух
Сувиот воздух може дополнително да ги иритира носот и грлото, па на тој начин да ја влоши кашлицата. Најдобро што можете да направите е во собата да ставите овлажнувач на воздухот со кој е потребно правилно да ракувате. Овие апарати не се секогаш сигурни, па на пример, ако ставите вода во него која не е стерилна, вирусите и бактериите постојано ќе кружат во воздухот, а компликациите се последното нешто што му требаат на болниот. Многу смртни слуачи се последица на воспалението на белите дробови кое настанало како компликација од настинката, напоменуваат стручњаците.

Како да си помогнете кај ноќната кашлица?
Иако кашлицата е важна за закрепнување на организмот од настинката, бидејќи ги чисти дишните патишта, понекогаш таа останува долго по настинката. Ако ви се чини дека не можете да престанете да кашлате кога е време за спиење, пробајте со овие трикови:
– Пред одење во кревет консумирајте многу течности;
– Земете бонбон или пастила против кашлање, барајте сируп од лекарот;
– Ако кашлицата не престанува ниту по седум дена, јавете се кај лекарот.