/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Некои невести се грижат каква ќе биде декорацијата на сведбената сала, а оваа невеста имаше само една желба: да прошета до олтарот.

Пред седум години, Стиви Бејл, тогаш седумнаесетгодишна девојка, доживела тешка  сообраќајна несреќа, заради која останала парилизирана од струкот надолу, а нејзиниот најдобар пријател загинал.

Првите месеци по несреќата мислеше дека нејзиниот живот е завршен:

-       „Мислев дека сум осудена да бидам дома, дека никогаш нема да имам момче и дека остатокот од животот ќе го поминам гниејќи затворена.“

Со помош на константна физикална терапија, таа повторно почна да сонува. Доживеа на нејзини 24 години да се прошета до олтарот и да се омажи.

-       „Кога видов дека полека се’ си е на свое место и дека трудот се исплати, гледајќи ја колку е убава во венчаницата, се почувствував неописливо прекрасно – изјави младоженецот Џеред Ван Осдејл“.

Рехабилитација и нови познанства

За време на рехабилитацијата, таа запозна многу луѓе, вклучувајќи ја и Бријана Малинџер, девојка која ја изгубила левата нога во несреќа. Брзо се спријателија и преку неа, Стиви го запозна нејзиниот иден сопруг.

-       „Се чувствував како да ја знам отсекогаш. Не ми требаше долго за да сфатам дека таа е личноста со која сакам да го поминам целиот мој живот“ – вели Џеред.

 -       „Секогаш му зборувам дека тој е тој кој во мене повторно разбуди љубов кон животот и дека поради него јас почнав да се трудам повеќе од порано“ – вели Стиви.

Една недела пред венчавката таа изјави:

-       „Дефинитивно ќе прошетам до олтарот. Како ќе изгледа тоа, не ме засега.“

И се случи. Невестата прошета до олтарот со помош на еден човек кој одеше покрај неа. Сите во црквата плачеа.

Подготовки за остатокот од животот

-       „Докажа колку макотрпно работеше на себе и прошета до олтарот и емотивно се подготви самата себе за остатокот од животот. Многу сум горда на неа“ – изјави мајката на Стиви, Шерил.

По церемонијата, Џеред ја изнесе од црква, а остатокот од денот го помина на столче.

-       „Тоа што таа е во инвалидска количка никогаш не претставуваше проблем и препрека за мене, можеби да не беше во количка ќе имавме предизвици од друг аспект. Секоја личност, секој брак и секој пар си има свои проблеми“ – вели Ван Осдејл.

-       „Задоволна сум со својот живот. Веќе долго сум во оваа состојба, ама тоа не мора да остане така до крајот на животот“ – изјави Стиви.