|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?

Солзење на очи кај настинато дете? Телото се брани, не паничете!

Редакција Рингераја, 28.7.2025
Кога вашето малечко дете е настинато и забележувате дека му солзат очите, тоа може да ве загрижи. Но, во повеќето случаи, солзењето на очите е сосема нормален и очекуван симптом кој го следи настинката кај малите деца.

image
Настинка кај дете и солзење на очи
/11


Во продолжение објаснуваме зошто се појавува, кога е безбедно да се смета за дел од настинката и кога треба да побарате медицинска помош.

 

Зошто солзат очите при настинка?

Кога едно дете има настинка, вирусната инфекција ја зафаќа слузницата на носот, синусите, а често и очите. Еве неколку причини зошто тоа се случува:

Запушен нос и солзни канали. Кај малите деца солзниот канал кој ги пренесува солзите од окото кон носната празнина е многу тесен. Кога носот е затнат од настинка, солзите не можат нормално да се исцедуваат и остануваат во окото, па дел од нив се прелеваат по образите. 

Воспаление на слузницата. Вирусите кои предизвикуваат настинка може да ја надразнат и слузницата околу очите, што предизвикува зголемено лачење на солзи како заштитен механизам.

Иритирање од кашлица или кивање. Постојаното триење на очите со рацете полни бактерии или вируси, како и кивање без прикривање, може дополнително да ја влоши состојбата.

 

Кога солзењето е нормално?

-        Солзењето е транспарентно (без боја)  

-        Нема црвенило или оток околу очите 

-        Детето не се жали на болка или чешање 

-        Солзењето се појавува паралелно со симптомите на настинка и поминува со нив 

Во овие случаи, не е потребно посебно лекување, само основна нега:

  • Чистење на очите со стерилна газа натопена во млака вода
  • Избегнување на триење на очите
  • Миење на рацете често

 

Кога треба да се загрижите?

Обратете се кај педијатар или офталмолог ако:

-        Солзењето е придружено со жолтеникав или зелен исцедок

-        Очите се црвени, отечени или лепливи по будење

-        Детето ги трие очите постојано и се жали на болка

-        Само едното око е зафатено

-        Симптомите траат повеќе од 7 дена

Во овие случаи можно е да станува збор за: конјунктивит (воспаление на очната слузница), инфекција на солзниот канал илин алергиска реакција

Лекарот може да препорача капки за очи, антибактериска терапија или дополнителен преглед.

 

Може ли да се спречи солзењето?

Не секогаш, но можете да преземете неколку превентивни чекори:

-        Одржувајте ја носната празнина чиста со физиолошки раствор

-        Учете го детето да не ги трие очите со валкани раце

-        Проветрувајте ја просторијата редовно

-        Обезбедете доволно течности и одмор

 

Солзењето на очите кај мало дете со настинка е вообичаена појава и често е безопасна. Тоа е начин на телото да се справи со воспалението. Но, внимателното следење на симптомите ќе ви помогне да направите разлика помеѓу нормална реакција и состојба која бара лекарска помош. Најважно е да се однесувате со смиреност, љубов и грижа, токму тоа што им треба на децата кога не се чувствуваат најдобро.

Ти се допаѓа статијата? Кликни “Like” и додај свој коментар:

Кога срцето забрзано чука...
Кај повеќето родители овој симптом предизвикува страв и итна посета на педијатар. Прво треба да се препознаат ситуациите...
6
Триење алкохол кај деца со температура
Во времето на бабите и дедовците, многумина верувале дека триење алкохол на дланките или стапалата на детето помага за „...
3
Пневмонија кај малите деца
Пневмонијата е сериозна, но честа респираторна инфекција која може да ги погоди и најмалите, особено децата од 1 до 5 го...
3
Витаминот А во исхраната на вашето дете
Како витаминот А придонесува за растот и развојот на детето и од каде најдобро да го добие?
3




Анкета

Независност.
Admin

Дали вашите деца се донекаде независни или сè уште ги храните и ги успивате? Мислам на деца од 2,5 години и нагоре.