/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Облека:

1 дете: Трудничка облека почнувате да носите веднаш штом гинекологот ќе Ви ја потврди бременоста.

2 дете: Нормална облека носите се додека Ве собира во неа.

3 дете: Ваша нормална облека е трудничката облека.

Име за детето:

1 дете: Читате лексикони со имиња, заокружувате, додавате, избирате.

2 дете: Некој треба да го крсти детето по прабабата Стевка, па зошто тоа да не бидете Вие?

3 дете: Го отворате именикот, ги затворате очите и гледате каде Ви застанал прстот. Здравко? Одлично име!

Подготовка за породување:

1 дете: Многу сериозно вежбате дишење.

2 дете: Не се оптоварувате премногу, бидејќи дишењето не Ви помогна многу првиот пат.

3 дете: Барате епидурална анестезија во 8. месец од бременоста.

Опрема за бебе:

1 дете: Внимателно ја перете облеката, ја редите по големина и боја во шкафчето.

2 дете: Проверувате дали облеката е валкана и ја перите онаа со најголеми дамки.

3 дете: И момчињата може да носат розово, зар не?

Грижа за бебето:

1 дете: Плачете секој пат кога е детето вознемирено и веднаш го земате в раце.

2 дете: Во раце го земате ако постои опасност дека ќе го разбуди првото дете.

3 дете: Го учите своето тригодишно дете да го држи бебето додека има грчеви во стомачето.

Активности:

1 дете: Го носите детето на гимнастика, пливање, во игротеки, на излети и на прошетка.

2 дете: Детето го возите во кола на прошетка.

3 дете: Детето го возите до супермаркет.

Вечерни излегувања:

1 дете: И се јавувате на бебиситерката на секои пет минути.

2 дете: Малку пред да го напуштите домот се сеќавате дека треба да оставите број на кој сте достапни.

3 дете: Бебиситерката може да Ви се јави само ако детето се повреди.

Дома:

1 дете: Поголем дел од денот како маѓепсани гледате во детето.

2 дете: Поголем дел од денот внимавате постарото дете да не го повреди помалото.

3 дете: Секој ден се трудите барем на кратко да се сокриете од децата.

Цуцла:

1 дете: Кога цуцлата ќе падне на подот задолжително ја стерилизирате.

2 дете: Кога цуцлата ќе падне на подот, ја миете под млаз вода.

3 дете: Колку повалкана цуцла, толку повеќе ја сака.