/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Поздрав до летото

Јуни секогаш ни е гостин драг.

Еве сега ни пристигна пак!

Тој од нас никогаш ништо не проси,

а што ќе му побараме - од срце ни носи.

Мај што ќе засади и ќе посее,

јуни ќе го обере и ожнее...

Тоа го прави секое лето.

И затоа е најсакан месец на светот.

Зар не ти е убаво и тебе, кажи

кога со јуни шеташ по песочните плажи?

Или кога летуваш некаде во планина?

Можеш ли да ја опишеш таа убавина?

И не треба да се чудиш,

или нешто да те буни.

Зашто и летото почнува во јуни.

Затоа, ајде вака да направиме:

Со песна и игра летото да го поздравиме.

Додека ни е гостин, додека трае

секој од нас - каде и да е

да биде весел, да игра, да се смее.

Како јунското сонце нас што не грее!