/11 /11

Рингераја: Здраво Христина и Мартина. Ајде накратко да прочитаме кои се Христина и Мартина  девојки, сестри и креаторки на убави нешта.

MH CandleCo: Пред се Ви благодариме за интервјуто и за поддршката на малите бизниси. На сите нас многу ни значи вашата поддршка. Ние сме две сестри Христина и Мартина кои се креатори на МH CandleCo. И двете сме вљубени во креативни нешта полни со љубов и внимание. Короната, монотонијата, секојдневието, социјалните мрежи премногу почнаа да влијаат на нашите животи и тоа беше еден одличен момент да се тргнеме од сето тоа и да почнеме да креираме среќа. Избравме да изработуваме свеќи затоа што даваат посебна топлина на домот. За нас домот  има големо значење. И покрај тоа што сме сестри сме две различни личности со различни гледишта и желби во животот, но еве изработката на свеќи е една заедничка желба што не поврзува.

Рингераја: Прашање кое е често кога станува збор за интервју. Како и што ве натера на овој бизнис? 

MH CandleCo: Големата желба кон креативни нешта полни со внимание и љубов беше нашиот мотив да започнеме со изработка на украсни свеќи. Деталите се тие кои му даваат топлина и светлина на домот, тоа не прави среќни, па затоа MH CandleCo изработува свеќи и шири среќа.

Рингераја: Какви се видови на свеќи може да се најдат во вашата понуда? Што најмногу бараат клиентите?

MH CandleCo: Мh CandleCo нуди разни видови на свеќи. Од украсни свеќи кои служат како украсен детал во домот, работно место, истите може да бидат и миризливи со можност за персонализирани ароми, свеќи во чаша има можност да се додаде супресор на чат од цигари, па се до свеќи за најубавите и најважните датуми во нашите животи, родендени, свадби и секакви прослави. Сите свеќи може да одат посебно или во сетови и тоа зависи од желбата на клиентите. Се пакуваат во бели кутии со машничка и лого од нашиот бренд. Бојата на свеќите и декорациите ги избираат клиентите во зависност од нивната потреба и желба.

Рингераја: Каква е постапката на подготовка на една свеќа и колку време е потребно?

MH CandleCo: За секоја свеќа начинот на изработка е во принцип ист. Се припремаат материјалите за изработка, се додава боја, мирис зависно од желбата на клиентот, само процесот на ладење на собна температура е различен кој зависи од видот и големината на свеќата.

Рингераја: На профилот може да се види дека има голема побарувачка на вашите производи за секаков вид на прослави и настани. Кажете ни нешто повеќе како оди во овој случај припремањето.

MH CandleCo: Оваа година беа тренд свеќи во кутија како уникатни парчиња за најубавите и најважните прослави. Изработувани по желба на клиентите во зависност од темата и идеата за прославите. Минимум две недели однапред се закажува термин за навреме да ги изработиме посакуваните свеќи. Имаме доволен број на модли за свеќи при што нашата мини работилница работи под полна пареа за да се стигне на време секоја нарачка.

Рингераја: Да зборуваме малку за опремата, алатките и суровините кои ги користите.

MH CandleCo: На почетокот домот - кујната ни беше наша работилница, но со оглед на големата побарувачка за нашите свеќи имаме посебен простор за нивна изработка и спремање.  Нашите свеќи се направени од природен соин восок кој не е штетен по здравјето и околината и има долготраен мирис, тој е 100% природен восок со висок квалитет. Исто така изработуваме и свеќи од медицински восок  со висок квалитет и не е штетен по здравјето. Во зависност од финансискиот статус на клиентите се избира материјалот со кој ќе се работат свеќите.

Рингераја: Како се усогласувате во однос на работата? Дали понекогаш имате спротиставени мислења во врска со некој производ?

MH CandleCo: Понекогаш имаме спротивставени мислења во однос на изработката за одредени свеќи, но на крајот на денот нашата цел е сведена на задоволување на желбите и потребите на клиентите и исполнување на роковите за достава. Кога имаме среќни и задоволни клиенти нашата желба за работа е поголема и немаме простор за спротивставени мислења.

Рингераја: Кога би требало да изработите нешто за себе што би било тоа?

MH CandleCo: За себе би изработиле  дел од свеќите кои му даваат топлина и светлина на домот. Како една од поубвавите свеќи која може да се издвои од нашата колекција е свеќата во форма на икона, која го симболизира семејството. За нас како сестри семејството има многу големо значење.

Рингераја: Што да очекуваме од Христина и Мартина и нивното MH_CANDLECO во иднина?

MH CandleCo: Во иднина нашите клиенти може да очекуваат  голем број на уникатни свеќи за секоја пригода со посебно значење, свеќи кои ќе го направат нивнит момент поразличен од другите. Следуваат најубавите прослави и празници од годината. Следете на нашиот профил mh_candleco , каде ќе можете да ги видите сите наши новогодишни и божични свеќи и сетови. 

Рингераја: Збор два за крај на овој разговор.

MH CandleCo: Само тоа што се работи со желба и љубов тоа успева во животот. Бидете свои, бидете уникатни и единствени во тоа што го работите . Никогаш не се двоумете дали да посегнете по нешто бидејќи можеби баш тоа е вистинското за вас. Живеjте го животот со полна пареа. Среќата е во малите нешта.