/21 /11

На 17 март 2012 со почеток во 23 часот, во клубот Хавана во Скопје фановите на хрватскиот рап состав Елементал ќе можат да ги слушнат во живо. Во склоп на својата балканска турнеа Елементал, на листата на градови во кои ќе имаат свирки го вброија и Скопје.

Хрватскиот рап бенд и е веќе добро познат на македонската публика по повеќето хитови како Романтика, Из дана у дан и Тако лјепа со кои се прославија и по бројните свирки кои ги одржаа во Скопје. Со ова гостување Елементал ја завршува рутата Загреб – Белград – Скопје, планирана за завршна промоција на албумот Вертиго.

Карактерискитата на овој бенд се одличните текстови и занимливите интрументални подлоги кои заедно ја прават автентичена музиката на Елементал. Се работи за музика која не претставува производ, туку уметнички, искрен звук и став кој е препознат од публиката во целиот регион.

Бенд кој постои од 1998 година, денес во видоизменет состав од 7 изврсни музичари. Мирела Приселац Реми и Лука Тралиќ Шот, гитарист Ерол Зејниловиќ, басист Конрад Ловренчиќ, клавијатурист Давор Заношки, бубњар Иван Водопијец и пратечки вокал Наташа Тонковиќ.

Картите за концертот се во ограничен број по претпродажна цена од 200 МКД. Истите можете да ги најдете во Custom Pub и  Happy сafe.