Сунѓер

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Па, дали навистина треба да користиме сунѓер секојдневно? Одговорот е комплексен и зависи од повеќе фактори: тип на кожа, навики, па дури и каков сунѓер користиме.

Што прави сунѓерот корисен?

Сунѓерите природни или синтетички, се користат за:

• нежна ексфолијација (отстранување на мртви клетки од кожата),
• подобра пенливост на гелови и сапуни,
• масажа и подобрување на циркулацијата,
• чувство на длабинска чистота.

Многумина велат дека без сунѓер, не чувствуваат „вистинско“ капење.

Но кога сунѓерот станува проблем?

Сунѓерите, особено ако се оставаат влажни и не се мијат детално редовно, стануваат идеално место за:

• бактерии,
• мувла,
• габи,
• па дури и стафилокок.

Според дерматолозите, најголемиот проблем не е самото користење, туку начинот на одржување.

Што препорачуваат дерматолозите? 

• За масна и нечиста кожа – сунѓерот може да биде корисен 2–3 пати неделно, но со нежно триење.
• За сува, чувствителна или екцемска кожа – треба да се избегнуваат груби сунѓери. Тие можат да го оштетат заштитниот слој на кожата.
• За секојдневна употреба – доволно е миење со раце, особено ако користите хидратантни гелови за туширање.

Како правилно да се користи сунѓерот?

1. Изберете сунѓер со фина текстура – по можност природен или антибактериски.
2. Мијте го темелно по секоја употреба – и оставете го да се исуши целосно.
3. Менувајте го секои 2–3 недели – дури и ако изгледа чисто.
4. Никогаш не го делете со други луѓе – дури ни со членови од домаќинството.
5. Не го користете на интимни или чувствителни делови од телото – таму е доволно миење со вода и нежна пена.

Сунѓерот не е неопходен, но може да биде корисен ако се користи со ум

Не постои „да“ или „не“ за употреба на сунѓер што важи за сите. Ако го одржувате чист, го користите повремено и го прилагодите на вашиот типот на кожа, сунѓерот може да биде пријатен и здрав додаток на рутината при туширање. Но ако станува навика без хигиена, може да направи повеќе штета отколку корист.

Ако сакате редовно да користите сунѓер и не можете да замислите туширање без триење, пробајте памучна ракавица за туширање, муслин крпа или силиконска четка тие се полесни за одржување и сушење, а со самото тоа и побезбедни и похигиенски.