/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Според извештајот од истражувањето на Британското здружение за хигиена, околу 0,1 грам фекалии остануваат на “чистата” долна облека по перењето на ниски температури, а бактериите лесно стигнуваат и на другата облека, а исто така и во машината за перење, пишува Daily mail.

- Луѓето веруваат дека облеката после секое перење во машина е чиста, но постои разлика меѓу површно и хигиенски чисто. Економичните и други програми за перење на ниски температури не се проблематични само заради тоа што оставаат бактерии туку и заради вкрстена контаминација, односно преминување на бактериите на други алишта во машината и создавање на т.н. бактериска супа.

Бактериите лесно ќе се закачат на кујнските и други крпи и во контакт  со човечкото тело можат да предизвикаат разни болести. Најопасни се бактерите на влажна облека, бидејќи остануваат на рацете при спростирање и потоа лесно можат да се внесат во устата.

Совети за подобра хигиена при перење

Барем еднаш неделно потребно е машината да пере облека на 90 степени, за да се исчисти внатрешноста на машината од бактерии. Постелнината и долната облека треба да се пере одвоено од кујнските и други крпи, особено при перење на ниски температури.

По завршувањето на перењето, вратата од машината треба да се остави отворена, бидејќи дотокот на воздух го редуцира размножувањето на бактерии внатре.

Редовно чистете ја вратата на машината и фиоката во која се става прашак и омекнувач.

После секое спростирање на алишта, темелно измијте ги рацете.

Задолжително пеглајте ја долната облека, крпите и постелнината.