/11 /11

Сосема е во ред ако сакате да ги известите пријателите колку вашето дете е паметно, прекрасно и послушно, но и во тоа постојат правила и забрани.

7 фотографии кои не треба да ги споделите на социјалните мрежи, колку и да сакате:

1. Фотки со туѓи деца

Дури и ако се во аголот од фотката. Пред да ја постирате сликата задолжително треба да побарате дозвола од родителите. Доколку не ја добиете - почитувајте ја забраната.

2. Фотографии од тоалет

Тука влегуваат фотките од бањање и полуголи фотографии. Не знаете кај каков човек може да завршат.

3. Фотографии со точна локација од дома

Доколку постирате слики од дома, внимавајте локацијата да биде исклучена. Не мора секој да знае точно каде е вашата дневна соба или собата на детето.

4. Фотографии со сомнителна „забавна“ содржина

Како на пример, фотографиите на кои 3-годишно дете пие пиво. Не ви треба понатамошно објаснување.

5. Срамни фотографии

Нема потреба да дозволувате непријатностите на вашето дете да се шират вирално. Моментите на кои сега се смеете, за неколку години може да бидат понижувачки за детето.

6. Фотографии од признанија и дипломи

Знаеме дека сте горди на сите достигнувања, но овие фотографии кои содржат прилично приватни информации и податоци, сочувајте ги за семејниот албум.

7. Било која фотографија која детето ве замолило да не ја објавите

Ако детето ве замоли нешто да не објавите - послушајте го. Додека мислите дека тоа е загрижено „за глупост“, несвесно му кажувате дека неговото мислење и не е важно и пресудно. А, се работи за неговата лична приватност.