/11 /11

„Ги носев овие слатки бебиња 30 недели и 4 дена внатре, а десно се фотографирани по 30 недели и 4 дена надвор. Потценување е да се каже полни раце, полно срце. Тие ги надминаа сите мои соништа во текот на бременоста и иако времето минува брзо, знам дека најдоброто допрва доаѓа. Зад тие бебиња има нови стрии, витки и вишок кожа, но и нови силни страни кои ви немав порано. БЛАГОСЛОВЕНА СУМ и нема да си дозволам себеси да го земам мојот живот здраво за готово“ – напиша таа во описот.

Хеј редовно објавува фотографии преку кои ја раскажува својата приказна, но и ги охрабрува паровите кои се соочуваат со неплодност и со спонтан абортус да не се откажуваат од обидите да имаат дете.

Таа имала неколку спонтани абортуси пред да забремени со четворка со медицинска интервенција (инјекција со хормон кој ги стимулира фоликулите).

Иако нејзината среќа била огромна, докторите не биле толку големи ентузијасти и ? препорачале да задржи само дел од бебињата за да им даде најдобра шанса да преживеат.

„Беше многу тивко во собата за ултразвук. Јас сум висока 157 см и тогаш тежев 52 кг. Ми рекоа дека моето тело нема да биде способно да го издржи тоа. Беа категорични дека тоа е небезбедно“ – објаснува таа.

„Симан беше бел како дух. Јас не можев да престанам да се смеам. Не ми се веруваше. Немаше шанси. Докторите беа изненадени, но ми рекоа да не се грижам. Ми рекоа дека можам да одам на селектирана редукција, која се применува за бебињата да можат правилно да се развиваат. Притисокот за редукција траеше неколку дена, но кога за првпат ги слушнавме сите четири срца, јасно одлучивме дека не сакаме повеќе да зборуваме за редукција. Сопругот ме погледна и ми рече: ‘Па, претпоставувам дека ќе имаме 4 бебиња’ и двајцата се насмеавме за првпат по неколку дена“ додала Линдзи.

За виралната објава, таа вели дека воопшто не очекувала да стане хит и дека кога ја правела фотографијата од бременоста едвај стоела.

„Се сеќавам дека ми беше многу неудобно и дека речиси беше невозможно да стојам, но бев многу радосна што стигнав толку далеку со бременоста. Бев подготвена да се сретнам со нив. Кога сега ја гледам фотографијата, помислувам: ‘Дали моето мало тело го направи тоа?’“ – рекла Хеј, која открива дека животот со четворка не е толку тежок колку што се прикажува.