Фото:Canva/Здравјето на хормоните започнува во кујната со секој оброк што му ја враќа хармонијата на телото.

/11 /11

Кога хормоните се во рамнотежа, се чувствуваме силно, стабилно и полни со живот. Но, кога таа рамнотежа се нарушува, често поради стрес, неправилна исхрана или недостиг на сон, можат да се појават замор, зголемена тежина, анксиозност, акни или нередовен циклус.

Со правилна исхрана, можеме природно да ја поддржиме хормоналната рамнотежа и да му помогнеме на телото повторно да најде хармонија.

1. Здравите масти, гориво за хормоните

Хормоните се создаваат од масти, па затоа телото мора да има доволно „добри“ масти за правилно функционирање.
Вклучете во исхраната: авокадо, маслиново масло, ореви, семки од лен и чиа, масна риба како лосос, скуша, сардина која е богата со омега-3 масни киселини.

Овие масти го намалуваат воспалението, ја поддржуваат работата на јајниците и ја стабилизираат продукцијата на естроген и прогестерон.

2. Балансирани оброци со протеини и влакна

Хормоните на глад (грелин) и ситост (лептин) се чувствителни на колебања во шеќерот во крвта.
За да го одржите нивото стабилно, секој оброк треба да содржи: протеини (јајца, пилешко, риба, тофу, јогурт), комплексни јаглехидрати (овес, киноа, интегрален ориз), влакна (зеленчук, јаболка, семки, мешунки).

Комбинирањето на овие нутриенти спречува нагли падови на енергија и ја регулира продукцијата на инсулин еден од најважните хормони во телото.

3. Исхрана богата со микронутриенти

Одредени витамини и минерали се директно поврзани со хормоналното здравје:

• Цинкот и магнезиумот се важни за продукција на полови хормони
• Б-витамините го поддржуваат нервниот систем и го намалуваат стрес
• Селенот и јодот се есенцијални за здравјето на тироидната жлезда
• Железото е особено важно кај жени со обилни циклуси

Овие нутриенти се наоѓаат во темнолиснат зеленчук, јајца, јаткасти плодови, морска храна и интегрални житарици.

4. Намалете ги „тивките нарушувачи“ на хормоналната рамнотежа

Прекумерен внес на шеќер и преработена храна, газирани пијалаци, алкохол и кофеин во големи количини, користење на пластични садови со BPA (супстанца што имитира естроген) со сигурност предизвикуваат хормонален дисбаланс.

Заменете ги со природни производи и користете стакло или нерѓосувачки челик за чување на храната.

5. Хидратација и движење

Водата е неопходна за детоксикација и правилно функционирање на хормоните.
Пијте најмалку 1,5 до 2 литри вода дневно, а комбинирајте ја со умерена физичка активност како јога, брзо одење или пливање. Ова се активности кои го намалуваат кортизолот (хормонот на стрес).

6. Не заборавајте на одморот

Недостатокот на сон е еден од најголемите непријатели на хормоните.
Обидете се да спиете најмалку 7 часа, во темна и тивка просторија.
Кога телото се одмара, ја враќа хормоналната рамнотежа и го обновува енергетскиот систем.

Хормоните не можеме да ги контролираме со волја, но можеме да им помогнеме преку начинот на живот и исхраната.
Со природна, разновидна и балансирана исхрана, нашето тело може само да се врати во рамнотежа.