Фото:Canva/Хроничниот стрес влијае врз хормоналната рамнотежа, овулацијата и квалитетот на репродуктивните хормони, што може значително да ја намали шансата за зачнување. Иако често е занемарен, стресот делува тивко, но моќно врз телото, испраќајќи сигнали дека „условите не се безбедни“ за бременост.

/11 /11

Тој не се гледа на ултразвук, не се мери лесно со анализа, но има силно влијание врз репродуктивното здравје.

Како хроничниот стрес влијае врз плодноста?

Кога телото е под постојан стрес, мозокот добива сигнал дека не е „безбедно време“ за репродукција. Тогаш приоритет станува преживувањето, a не создавањето нов живот.

Кај жените:

• се нарушува овулацијата,
• менструалниот циклус станува нередовен,
• се намалува нивото на прогестерон,
• се зголемува ризикот од ановулаторни циклуси,
• имплантацијата на оплоденото јајце може да биде отежната.

Кај мажите:

• се намалува бројот и подвижноста на сперматозоидите,
• се влошува квалитетот на спермата,
• се намалува либидото,
• се зголемува оксидативниот стрес.

Кортизол, хормонот што ја „исклучува“ бременоста

Хроничниот стрес доведува до постојано покачено ниво на кортизол. Овој хормон директно ги потиснува репродуктивните хормони, го нарушува балансот на естроген и прогестерон и влијае врз тироидната жлезда.

Со други зборови настанува хормонален хаос во телото.

Стресот од самото обидување да се забремени

Парадоксално, многу жени влегуваат во маѓепсан круг, колку повеќе се трудат, толку повеќе се под стрес и зачнувањето не успева.

Броење денови, правење тестови, следење апликации, споредби со други можат несвесно да го зголемат притисокот и дополнително да ја одложат бременоста.

Знаци дека стресот влијае врз вашата плодност

-        Циклусот ви е променлив или изостанува.

-        Постојано сте уморни, иако спиете редовно.

-        Често сте анксиозни или раздразливи.

-        Имате проблеми со спиењето.

-        Чувствувате притисок и вина што забременувањето не успева.

Ова е реакција на вашето тело.

Што навистина помага кога се обидувате да забремените?

Не станува збор за опуштање, туку за свесно регулирање на стресот преку:

-        намалување на опсесијата со тајминг,

-        умерена физичка активност како јога, пешачење и слично,

-        стабилен ритам на спиење,

-        отворен разговор со партнерот без наметнување вина,

-        психолошка поддршка ако чувствувате дека ви треба.

Дури и мал пад на нивото на стрес може да направи голема разлика.

Важно е да знаете

• Стресот не значи дека нема да забремените, туку дека вашето тело бара пауза.
• Не постои „премногу чувствителна“ жена, постои преоптоварен систем.
• Грижата за психичкото здравје е дел од подготовката за бременост.

Забременувањето не е само биолошки процес туку и емотивен. Телото и умот работат заедно. Кога едниот е под постојан притисок, другиот се повлекува.

Понекогаш, најголемиот чекор кон бременост е чекорот кон психичкото смирување.