/11 /11

Може ли одложувањето на бременоста до средината на триесеттите години да биде погубно за вашата плодност, зачнување и бременост, се прашува Др. Оз во епизодата “Кога сте престари за бременост?” и објаснува  дека според истражувањата во статистиката, биологијата смета дека може.

Во САД една од пет жени ја одложува бременоста до после 35-та година, а во последните 15 години бројот на бремености после 40-та година бележи пораст за 50%. Многу познати личности од светот на филмот и музиката како што се Nicole Kidman, Salma Hayek, Juliane Moore, Brooke Shields и Halle Berry, родиле по 40-та година, а некои од нив и во подоцнежните 40 години. Меѓутоа, доцната бременост носи поголем ризик за спонтан абортус и поголем ризик по здравјето на мајката и детето.

Др.Оз го поставува прашањето: Дали е можно дека жените кои се воспитувани дека можат да постигнат се што сакаат, всушност не можат? Дали сме во одредена возраст навистина престари за раѓање?

Jennifer Lahl, оснивач и Претседател на Центарот за биоетика и култура, тврди дека природата не ја одредила без причина возрасната граница до која се жените плодни.

Др.Оз ги предупредува жените дека иако се сметаатза младолики и во добра форма и не чувствуваат дека стареат, нивното тело сепак старее. Гинеколозите тврдат дека во дваесеттите години жените имаат 50% шанси да забременат, во триесеттите околу 20% шанси, додека во 40-те имаат само 5% шанси за зачнат по природен пат.

Жените се раѓаат со околу 2-3 милиони јајце клетки во секој јајник, а до пубертетот ќе изгубат околу 300,000, што е голем број на преостанати јајце клетки. Но, додека да наполнат 30 години, ќе изгубат околу 88% од вкупниот број на јајце-клетки, со кои тешко се остварува бременост.

Гинекологот  Др. Ulla Marton објасни што се случува во телото на жената во текот на четириесеттите.

“Со влегувањето во 40-те, моќта на оплодување на жената бележи драматично опаѓање. Во идеални околности се оплодуваат околу 30% од јајце клетките, во 25% не е можно соодветно производство на јајце клетки и исто во 25% причина за неплодност е неадекватниот транспортен простор кај жените, а тоа се оштетени јајцеводи, неповолна реакција на слузницата на материцата на хормонските сигнали.”

Др.Оз ги предупредува жените дека биолошкиот часовник е исклучително реален и не смее да се игнорира, посебно ако еден ден сакате да имате деца.