/11 /11

Додека некои деца просто уживаат во своето детско седиште за автомобил, користејќи ја можноста со љубопитен поглед да ја истражат околината низ прозорецот, има деца кои уште на само споменување почнуваат да врескаат, а ако случајно се обидете да ги седнете се вкочануваат до таа мера што имате чувство дека ќе мора да ги „скршите“ за да седнат.

Овие првите се веројатно поретки, а вторите најчесто ќе ги видите на предното седиште во скутот на нивната мајка, застанати одзади со лицето пикнато меѓу двете седишта за подобро да гледаат напред, качени на задното седиште за да гледаат низ задното ветробранско стакло...но никогаш врзани и соодветно заштитени!

Иако секој родител, ама баш секој, прави најдобро што може, детскиот темперамент понекогаш може да биде оправдување, исто како кратките градски релации на кои најверојатно нема ништо да се случи...

А сообраќајните незгоди секогаш им се случуваат на други, нели?!

За сите оние родители кои сеуште понекогаш знаат да отстапат од своите убедувања, еве малку статистика зошто детското седиште за во автомобил е прашање околу кое нема попуштање и преговарање.

Извор: The handbook of road safety measures

Кога автомобилот ќе удри во друг автомобил (или било каков објект), тој нагло запира како резултат на ударот, но патниците во него продолжуваат да се движат со силата на инерцијата, при што, инерцијата на автомобилот и онаа на патниците се апсолутно независни. Ударот ќе придонесе автомобилот нагло да запре, но брзина на патниците ќе остане иста. Како резултат на таквата брзина, патниците удираат во шофершајбната, воланот, па дури може и да бидат исфрлени надвор од возилото. Сигурносните ремени, кај возрасните ги намалуваат шансите за избегнување на смрт или сериозна повреда во сообраќајна несреќа до 50%. Но, кај децата, бидејќи сигурносните ремени не соодветствуваат со нивната тежина и висина, неопходно е  како дополнителна заштита да се користат специјални детски седишта за во автомобил.

Иако со домашната легислатива за безбедност во сообраќајот, користењето на детските седишта за во автомобил не е задолжително, сепак погрижете се да го заштитите вашето дете, па изберете и користете соодветно детско седиште за во автомобил.

Еве  како е регулирана безбедносната заштита на децата во автомобил во државите во кои најчесто патуваме:

Главен фактор при изборот на детско седиште за во автомобил е тежината и возраста на детето.

Веруваме дека безбедноста на децата во сообраќајот зависи единствено од возрасните, па затоа следниот пат не отстапувајте од своето. А за реакцијата на вашето дете на детското седиште за во автомобил, не грижете се... Ова е едно од оние прашања на кои без грижа на совест можете да кажете „Детско седиште, затоа што јас реков дека мора!“

Потсетување до сите родители, дека АМСМ доделува бесплатни АМСМ БЕБЕ ВО АВТОМОБИЛ налепници, кои се лепат на задното ветробранско стакло од автомобилот. 

Извор: АМСМ