Брзото растење на плодот продолжува. Сега е голем колку црешна, од 8 до 11 мм, а тежок 1 грам. Јасно се гледа задниот дел на мозокот, а плодот веќе почнува да се поместува. За жал, сеуште е мал за да ги почувствувате неговите движења. Ви треба уште малку трпение, некаде до 20. недела кај прворотките, а кај оние кои веќе раѓале, две до три недели порано... и нежни пеперутки ќе почнат да шетаат во стомакот. А кога ќе зајакнат, ќе бидат тоа јаки удирања. И во развојот на коските се случуваат прилично интересни работи: се појавуваат лактовите, а коските стануваат се поцврсти поради таложење на калциумот. Почнуваат да се развиваат прстиња, уште малку и ќе можете да ги преброите!

И уште ова, под непцата почнуваат да се развиваат продолжетоци за млечните заби.

ДАЛИ СТЕ ЗНАЕЛЕ?

Половите жлезди во оваа недела ќе се обликуваат во тестиси, односно во јајници.

>>  Мама во 8. недела
>>  Тато во 8. недела