Фото: Canva/Со бебето во домот сe е ново, побавно, понежно и полнo со љубов. Малите звуци, мирисот по бањање, првата насмевка тоа се моментите што го прават домот, дом.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Породувањето е веќе минато и време е да се прилагодите на новиот живот со своето бебе. Погрижете се за добра исхрана и што повеќе одморајте, доколку новиот член тоа ви го дозволува.

Продолжете со урамнотежената исхрана

Урамнотежената исхрана е важна исто колку и во бременоста. Јадете редовно. Оброците нека ви ги подготвува партнерот или некој друг. Доколку е можно неколку недели нека ви помага вашата мајка. Таа вас најдобро ве знае и најверојатно со неа може да разговарате за било што. Од неа може да добиете многу корисни совети, а ќе ви помогне и да ги пребродите првите недели после породувањето, кои се воедно и најтешки, затоа што мора да се навикнете на сосема поинаков живот.

Одморајте колку што можете

Со новороденчето ќе ви треба мир и тишина, затоа ограничете ги посетите на пријателите и познаниците се додека не бидете потполно подготвени за тоа.

Првите неколку дена останете во кревет, а ако сте имале царски рез се препорачува да одморате во кревет неколку недели. Мора да се заздравите од физичките промени кои ви се случиле во текот на породувањето. Домашните работи сведете ги на минимум. Ако сте во кревет, може да се придржувате на советите кои сигурно веќе безброј пати сте ги слушнале како на пример, спијте кога спие вашето бебе. Многу е важно да имате доволно сон. Требало да поминат девет месеци за бебето да се развие, а сега вие треба да му дадете на вашето тело време повторно да се адаптира на состојбата пред бременоста.

Вашиот кревет е истовремено најдобар простор за галење со вашето бебе. Во креветчето може да стане осамено, а на новороденчето  му треба близина од мајката и таткото, а и вам неговата.