Фото:Canva/Планирањето бебе е заедничка одлука и процес. Подготовката не гарантира дека сe ќе оди совршено, но дава најдобра можна основа за здрав почеток.

/11 /11

1. Направете лекарска проверка

Пред да започнете со обиди за бременост, посетете гинеколог и матичен лекар. Основните прегледи и анализи можат да откријат: хормонален дисбаланс, анемија, инфекции, состојба на штитната жлезда. Раното откривање значи полесна и побезбедна бременост.

2. Започнете со земање фолна киселина

Фолната киселина е клучна за правилен развој на нервниот систем на бебето. Се препорачува да се зема најмалку еден до три месеци пред зачнување, по совет на лекар.

3. Разгледајте го вашиот животен стил

Малите промени имаат големо влијание. Доколку сте љубители на алкохолни пијалоци, намалете или елиминирајте ги. Ова се однесува и на пушачите кои итно треба да престанат со пушење. Ограничете внес на кофеин, а повеќе внесувајте разновидна и балансирана храна. Здравото тело создава подобри услови за бременост.

4. Доведете го циклусот под контрола

Следењето на менструалниот циклус ви помага да ја препознаете овулацијата и плодните денови. Ова го намалува стресот и ја зголемува шансата за зачнување.

5. Проверете ги лековите што ги користите

Некои терапии не се безбедни во бременоста. Никогаш не прекинувајте терапија самостојно, туку консултирајте се со лекар за евентуални замени.

6. Подгответе го и партнерот

Зачнувањето е тимска работа. Кај партнерот исто така е важно: здрав начин на исхрана, избегнување алкохол и пушење, намалување на стрес, доволно сон бидејќи квалитетот на спермата е подеднакво важен.

7. Размислете за емоционалната подготвеност

Прашајте се:

• Дали сме подготвени за промена на ритамот?
• Дали имаме поддршка?
• Како се справуваме со стресот?

Емоционалната стабилност е подеднакво важна како и физичката.

8. Ослободете се од притисокот

Бременоста не секогаш доаѓа веднаш. Планирањето не значи контрола на сè. Понекогаш, најдобро што можете да направите е да му дозволите на телото време и мир.

Подготовката за бебе не е совршен план, туку процес на грижа – за себе, за партнерот и за идното семејство. Колку повеќе внимание ќе му посветите на овој период, толку посигурен ќе биде почетокот.