/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Велигденските уживања со добра храна треба да бидат збогатени со вкусна Велигденска торта. Оваа година тоа нека биде освежителна, лесна, овошна, ладна и над сето тоа едноставно и брзо подготвена торта.

Состојки за тестото:

5 јајца

5 лажици шеќер во прав

3 лажици брашно

2 лажици чоколадо во прав

½ пакетче прашок за пециво

Состојки за кремот:

2 дл. пире од рибизли или малини (гмечиме или блендираме рибизли или малини)

6 листови желатин

1 дл. мед

½ дл. вода

15 дек. шеќер во прав

½ л. слатка павлака

Ја подготвуваме смесата за тестото. Ги матиме јајцата и шеќерот. Посебно добро ги мешаме брашното, чоколадото и прашокот за пециво и полека, постепено ги додаваме на смесата од јајце и шеќер. Земаме тркалезен калап за торти и добро го премачкуваме со маргарин и го посипуваме со брашно. Подготвената смеса ја истураме во калапот, ја ставаме во загреана рерна и печеме 12 до 15 минути на температура од 180 °C. Кога тестото е испечено, го вадиме од печката и го оставаме да се излади. Во меѓувреме го подготвуваме кремот.

Листовите желатин ги потопуваме во топла вода (не многу жешка!). Во еден сад ги ставаме рибизлите, додаваме мед, вода и шеќер. Ги додаваме омекнатите листови желатин и состојките ги мешаме на умерена температура, за да се раствори желатинот и да испари алкохолот. Го оставаме на страна, малку да се излади. Ја матиме слатката павлака и ја ставаме во претходно подготвената смеса за крем. Добиваме убава розева смеса за крем со која го премачкуваме испеченото тесто. Ја ставаме во фрижидер најмалку 6 часа или по можност во текот на целата ноќ, за да се зацврсти кремот. Ја вадиме тортата од калапот и ја украсуваме со шарени мрвици. Нека нашата Велигденска торта биде шарена.

Со чаша црвено вино, најдобро ќе го почувствуваме вкусот на нашата Велигденска торта.

Прочитајте уште:

Симболите на Велигден

Бојадисување на јајцата со природни бои

 Совети за спречување на пукање на јајцата

Симболика на црвеното јајце

Магичен Велигден