/11 /11

Автомобилот  во текот на возењето произведува штетни издувни гасови и спаѓа меѓу најголемите загадувачи на воздухот. Постојат автомобили кои се нарекуваат “Зелени автомобили” и кои и се наклонети на нашата планета.

Каков е всушност “Зелениот автомобил”?

“Зелените автомобили” се возила со помало испуштање на штетни издувни гасови, пред се на јаглерод диоксид, со истовремено помала потрошувачка. Во “Зелени автомобили” спаѓаат сите автомобили кои користат бензин и нафта и оние кои се на алтернативен погон, таканаречените хибриди, кои покрај електричната енергија сеуште употребуваат мотор со внатрешно согорување, кој за работа користи обично гориво.

Автомобили, кои може да се рециклираат

Помалото испуштање на гасови и помала потрошувачка не се единствениот показател на “зелен автомобил”. Потребно е да се земат во предвид и останатите елементи и добро да се види вкупното влијание на количеството на гасови кои настануваат при возењето и производството како и подоцна во изградбата на возилото. Затоа е неопходно да се разгледа:

1.  Начинот на изработка на автомобилот.

2.  Од колку рециклирани делови е направен автомобилот.

3.  Колку делови од автомобилот може да се рециклираат.

“Зелени автомобили”

Со оглед на тоа колку е вашиот автомобил “зелен” според горе наведеното, сами придонесувате за помало испуштање на штетни гасови во околината. Количината на издувни гасови пред се зависи од видот на автомобилот што го возите и видот на гориво кое го користите и од тоа како возите. За да бидете што повеќе “зелен возач”  Ви го препорачуваме следното:

• Избегнувајте брзо забрзување и силно кочење.

• Редовно сервисирајте го вашиот автомобил.

• Намалете ја брзината – при 110 км на час автомобилот троши 25 % повеќе гориво отколку при возење со 90 км на час.

• Не оставајте го предолго вклучен моторот, кога возилото е во мирување – ако има услови исклучете го.

• Проверете ги вашите пневматици – притисок , полирање и центрираност на тркалата.

• Користете ја климата само кога е тоа навистина потребно.

• Ослободете се од ѓубрето - колку повеќе транспорт вршите толку повеќе гориво трошите.

Кога купувате нов автомобил бидете внимателни какви се издувните гасови и каква е потрошувачката на гориво. Еден совет : Сите нови автомобили имаат етикета на шофершајбната со ознака, колку е ефикасна нивната потрошувачка и какво е испуштањето на јаглерод диоксид.

Хибрид: Да или Не?

Моментално се најповеќе раширени “зелените” или ЕКО возилата хибриди, кои нашето внимание го привлекуваат пред се со необичниот дизајн. Тие автомобили секако дека имаат повисока цена, затоа купувачите при избор на вакво возило се многу претпазливи во однос на тоа дали тој автомобил е навистина  толку вреден. И стручњаците укажуваат на тоа дека овие автомобили во иднина ќе ги заменат автомобилите кои користат етанол или водород. Постојат големи предности на хибридните автомобили во однос на обичните:

- релативно голема издржливост на батериите (кои траат дури и до 180.000 поминати километри),

- мала потрошувачка на бензин (приближно третина помалку во однос на обичните автомобили),

- многу по пријатно возење (околу 25-35 % помала емисија на издувни гасови).

Можеме да кажеме дека хибридите се поекономични и помалку штетни за околината, иако за голем број  купувачи се сеуште премногу скапи. Затоа, за што и да се одлучите Ви го препорачуваме следново: со пешачењето, велосипедите и градските автобуси ќе придонесете помалку да ја загадувате животната околина  со што ќе се чувствувате многу подобро.