/31 /11

Моментот кој го очекувате цели девет месеци, а едвај чекате да помине. Моментот за кој живеете и мечтаете цел живот, а кога ќе дојде - умирате од страв. Единствениот момент во кој сите болки, солзи, стравови и трепети ви ја носат најголемата среќа во животот.

ВАШИОТ момент на породување!

Детали

Ник: еленамарјант

Датум на породување: 21.03.2010година

Тип на породување: природно

Болница: во Битола

мммм..... Е па вака :) Бидејќи на 22 Март е празникот „Младенци” , иако веќе 3 недели бев влезена во деветти месец, таа недела упорно се спремав за тој празник бидејќи како пресни младенци беше редно да го чекаме. На 19 Март вечерта ме фатија првите болки кои не ни личеа на оние јаки болки кои треба да се добијат пред породување. Утредента со сопругот отидовме кај мојот матичен гинеколог, а таа итно ме прими, ме прегледа и ни вика ти до вечер треба да се породиш, но не си премногу отворена ќе мора да шеташ и тоа малку повеќе. Часот беше 9:00 на сабајле, каде да одиме толку рано? Рака за рака си тргнавме по Широк Сокак од почетокот па до крајот неколку пати , кој не виде не праша што правиме толку рано, а ние па шетаме и сл. изговори. Не ми се веруваше дека за неколку часа моето сонценце ќе биде до мене. Mене ми се смачи веќе не можев да одам, а болки не ми дојдоа појаки или на помал интервал па си отидовме дома.Така цел ден си лежев, продолжија подготовките за празникот, кон 18 часот уште една прошетка, но во 22 часот болките ми се зачестија. Oтидовме на болница ме прегледаа и ми рекоа дека не сум сеуште отворена да си одам дома, си отидов дома си легнав да спијам, но во 12 часот ноќта ми пукна водењакот и торбичката со нас  и повторно назад на болница. Mи ставија една провокација но не добив редовни болки, па во 3 часот сабајле ми ставија  уште една провокација и веќе во 6 и 30 ме однесоа на боксот. Додека ме припремија неколку минути добив напон и за 15 минути се беше готово, до мене го имав моето мало сонценце кое тежеше само 2 кг и беше долго 46цм. Сите се чудеа оти беше најмалото бебенце. Па така наместо гости за празникот јас донесов нов гостин дома, а на сопругот му се исполни желбата Софија да се роди на денот на пролетта. Денес Софија има 5 месеци и е 6 кг и 58цм, и е нашето мало ангелче кое има прекрасна насмевка.

Рингераја и посакува среќно детство на Софија !

Сакате да ни ја испратите вашата приказна од породувањето?

Прочитајте како во статијата Породилни приказни.