/11 /11

Несомнено без движење и вежби ќе ви биде тешко да ја вратите претходната фигура. Особено важно е исто така да се обрне внимание и на храната што ја јадете. Не се лажете дека поради доењето треба да јадете за двајца, да пиете многу боза или да претерувате со тестенини. "Советите на баба" не само што нема да ви обезбедат повеќе или квалитетно млеко, но и ќе се одразат погубно на здравјето и надворешниот изглед.

Дали постои диета за доилки?

Не. Постои само правилен начин на исхрана, со кој ќе имате доволно млеко за бебето и ќе намалите од вашата тежина.

Вашето мени, за периодот додека го доите бебето, не се разликува значително од исхраната за време на бременоста. Повторно имате зголемени потреби од калории и протеини, но нив можете да ги обезбедите со една просечна порција главно јадење на ден - пилешко со зелка или прелиен сендвич.

Имате потреба од двојно повеќе железо и калциум и зголемен внес на цинк и магнезиум. Нив пак можете да ги добиете преку месо, млечни производи, житарици, јајца, црн дроб, риба, сусам и семки од сончоглед, авокадо, банани.

Ако не слабеете, туку почнувате да ставате килограми по породувањето, не го обвинувајте доењето. Всушност тоа е вашиот прв помошник во симнувањето на килограмите. Можеби не успевате да ја вратите вашата фигура, бидејќи не се храните квалитетно, туку квантитетно. Или пак страдате од хормонален дисбаланс.

Не заборавајте дека броењето на калории не е доволно. Потрудете се да земате разновидна, балансирана и богата со витамини и минерали храна, обрнувајќи внимание на порциите.

Пример на соодветно мени за доилки

Ран појадок - 8 часот

Чаша билен чај со лимон и мед или  кафе со млеко
Овесни снегулки (мусли) со суво овошје, мед и јогурт (околу 200 g)
Чаша сок од моркови

Основен појадок - 10 часот

Чаша билен чај со мед и лимон или ајран
Печена тиква

Ручек - 12 часот

Чаша минерална вода или свеж овошен сок
Супа од зеленчук
Свински / телешки котлет на скара или на пареа (околу 150 г) со гарнир од варен зеленчук (морков, пченка, грашок, брокула)
Парче пченкарен леб
Печени јаболка или пита од јаболка

Ужина - 16 часот

Чаша ајран или јогурт
Парче овошен колач

Вечера - 19 часот

Туршија салата
Риба на скара или на пареа (околу 150г) со ориз или компири и гарнир од зеленчук
Парче пченкарен леб
Портокал, грејпфрут или суво овошје
Минерална вода или сок од компот

Хранете се целосно и квалитетно: ќе имате доволно млеко и ќе можете да ја редуцирате тежината.

         Избегнувајте прекумерно конзумирање на тестенини
         Претпочитајте нискомаслен јогурт - околу 500-600 г на ден
         Поткаснувајте околу 50-60 г сирење на ден
         Не заборавајте ја рибата - барем 1-2 пати неделно
         Претпочитајте нискокалорични производи. Вклучете во менито: пченкарен леб, овес, корнфлекс, хељда,месо, јајца, компир, пченка
         Не консумирајте повеќе од 2 супени лажици растителни масти на ден, по можност маслиново масло