ИЗВОРНА ПОРАКА: jovanka

Расте бројот на ново откриени случаи на рак на дојката
Над 600 нови случаи годишно на заболени од рак на дојката се регистрираат во земјава. За жал дел од нив умираат, поради тоа што болеста се открива доцна. Најалармантно е во Свети Николе.
Во овој град е најголема смртност од оваа болест. Граѓаните немаат мамограф, најблискиот е во Штип и Велес каде за снимање чекаат повеќе од три месеци.
„Болеста не чека, бројките загрижуваат во Свети Николе. За минатата година имавме некаде околу 35 ново заболени жени. Само за неколку месеци од оваа година се некаде околу 16 заболени жени“, вели Вера Златева, Организација на жени на Свети Николе.
Болеста се лекува доколку биде навреме откриена. За таа цел од оваа година започна пилот проект за скрининг во три града. Жените над 45 години од Гостивар, Прилеп и Свети Николе од дома ќе бидат повикувани да направат мамограф.
„Луѓето ќе бидат повикани со картони, на име и презиме, со точен датум и време каде треба да се направи испитувањето“, изјави министерот за здравство, Бујар Османи.
Под мотото чекори против ракот на дојката стотина граѓани, амбасадори и политичари се вклучија во борбата против ракот на дојката. Целта е да се подигне свеста за оваа болест.
„Втора година ја организираме оваа голема прошетка, наречена „Напред розово“, мило ми е што ве гледам во вака голем број“, рече Биба Додева, претседател на НВО Борка.
Секој кој учествуваше на овој хуманитарен настан, донираше по 100 денари, за возврат добиваа розова маичка. Средствата ќе бидат наменети за лекување на болните од рак на дојката.
Во иднина и рр да се вклучи во кампањата!

• Самопреглед на дојките еднаш месечно, најдобро по 10-15 дена од почетокот на менструалниот циклус, почнувајќи веќе од 20 годишна возраст.
  
• Клинички преглед на дојките на секои три години кај жени од 20 до 40 годишна возраст. Кај жени над 40 годишна возраст, посебно кај оние со висок ризик за појава на рак на дојка, се препорачува клинички преглед еднаш годишно.
  
• Скрининг мамографија, за жени од 40 до 49 годишна возраст, се препорачува да се прави на секои 1-2 години, а кај жени од 50 годишна возраст и постари, да се прави мамографија еднаш годишно.
  
• Биопсија, во случај на откривање на тврдина во дојката при клинички преглед или при мамографски докажан тумор во дојката.

ИЗВОРНА ПОРАКА: Палешка РР

Мајка ми пие комбуха и змиско коренче (корен кој се пие исклучиво сушен-инаку е отровен!)
Еве седум години откако е оперирана и супер е да чукнам во дрво!
Пие и лекарства-нормално.