|
Bogdancanka -> RE: Рак на дојката (4.1.2010 22:01:01)
|
Ракот на дојката може да се спречи
По безбројните истражувања на врската меѓу храната и ракот на дојката, се уште не може да се каже дека постои некој дефинитивен резултат.
Студиите од оваа година кажуваат дека сојата, минералот селен, растителните масти и влакна штитат од болеста. Постојат докази дека жените кои јадат многу домати во постменструалниот период се помалку изложени на опасноста зашто доматите содржат ликопен, кој ги разбива канцерогените клетки.
Сојата е богат извор на фитоестрогени (растителни хормони), кои можат да го блокираат ефектот на создавање канцерогени клетки што го имаат естрогените во женското тело.
Треба да јадете многу овошје и зеленчук, да водите сметка да внесувате здрави маснотии (како овошје со јатка и маслиново масло), нискокалорични млечни продукти и да избегнувате обработена храна.
Начинот на доење е многу важен
Доењето е добро и за мајката и за бебето. Доењето има заштитен ефект врз дојките. Без оглед на возраста на мајката, за една година доење ризикот од појава на рак се намалува за 4,3%. Тоа е така бидејќи честопати ја стопира овулацијата и ја намалува изложеноста на жената на ефектот на хормоните.
Идна алтернатива за оние што не дојат би било производство на лекови кои би го имале истиот ефект што го предизвикува доењето.
Изложување на сонце
Конечно добра вест за сонцето и ракот: УВБ-зраците го помагаат производството на витаминот Д, кој може да има улога во намалувањето на ризикот од појава на рак на дојката. Ова би било објаснување на фактот дека жените кои живеат во потоплите краеви на светот се помалку склони кон болеста.
Но мора да се напомене дека жените кои живеат во постудените краеви, доволно е краткотрајно да се изложат на сонце, односно околу 20 минути на ден, за да се постигне позитивниот ефект. Подолготрајното изложување на УВА-зраците може да го уништи витаминот Д, а да не го споменуваме ризикот од предвремено стареење на кожата и појавата на рак на кожата.
И аспиринот го намалува ризикот од појава на рак
Една голема студија спроведена во САД предизвика реакции на почетокот на годината кога беше објавено дека жените кои пијат аспирин двапати неделно, го намалуваат ризикот од појава на рак на дојката за 21% и повеќе. Се верува дека ублажувачите за болка го намалуваат воспалението, кое може да предизвика канцерогени промени, тие исто така ја попречуваат делбата на клетките и го отсекуваат снабдувањето со крв до канцерогените клетки.
Меѓутоа треба да се внимава со аспирините бидејќи може да дадат несакани дејства како проблеми со желудникот и внатрешно крвавење. Во Шкотска веќе се работи на производството на посебна верзија на аспиринот што нема да предизвикува крвавење.
Редовно вежбајте
Резултатите покажуваат дека редовното вежбање го намалува ризикот од појава на рак на дојката за повеќе од една третина. Една студија спроведена меѓу жените во Шангај покажала дека жените кои редовно вежбаат уште од адолесценција го намалуваат ризикот за 53%, а оние што почнале да вежбаат како повозрасни - за 31%.
Вежбањето го урамнотежува нивото на хормони и го зголемува имунитетот.
Заштитниот ефект се постигнува само со половина час вежбање пет пати во текот на неделата. Доволно е само да се забрза пулсот, така што доволно би било и брзото пешачење како активност.
|
|
|
|