Еца
|
еве еден текст кој треба многу внимателно да се прочита, затоа сум да се подаруваат книги, а не играчки "ВНИМАТЕЛНО СО НОВОГОДИШНИТЕ ПОДАРОЦИ ЗА ДЕЦАТА Отров спакуван во играчките Колку се безбедни и испитани играчките кои стојат под новогодишните елки сега пред празниците кога родителите, бабите и дедовците, тетките и чичковците обврзано се во потрага по подарок за децата? Деновиве од Европската унија апелираа до државите да го засилат надзорот пред божикните празници и ги повикаа родителите внимателно да ги проверуваат играчките при купувањето. Ова барање, пред се, се однесува на озлогласените кинески играчки, кои редовно се на врвот на црните листи на ЕУ, откако во изминатите години имаше многу скандали каде што беа откривани кинески играчки што содржат олово и кадиум. Од Републичкиот завод за здравствена заштита ни рекоа дека ги испитуваат сите играчки кои се увезуваат вклучувајќи ги и кинеските, но резултатите што ги добиваат му ги реферираат единствено на Државниот санитарен инспекторат, кој понатаму спроведува мерки, дали ќе се повлече стоката или не. Од Државниот санитарен инспекторат вчера не можевме да добиеме информација. Но, надлежните во земјава, во принцип, не ја предупредуваат јавноста кога се сомневаат дека некој производ е штетен по здравјето, па дури ни откако сомневањата ќе се потврдат, како во некои земји. Купувачите се оставени сами да просудат при купување на производите што им се сомнителни, па дури и кога станува збор за она што доаѓа во непосреден допир со најчувствителниот дел од популацијата, децата. - Кинеските играчки имаат одвратен мирис како на нафта или нафталин, што никако не поминува. Не купувам такви играчки, затоа што детето ги става играчките и во уста, но од друга страна, пак, не можеме секогаш да го купиме оригиналниот производ кој е многу скап. Во Солун минатата недела не можев да си дозволам да купам оригинал барбика од 50 евра. Потоа во популарната продавница „Џамбо“ во околината на Солун купив барбика за 10 евра - вели еден родител. Од компанијата „Теа колорс“, увозник на детски играчки, велат дека сега 99 отсто од играчките се произведуваат во Кина, но потенцираат дека треба да се разликуваат играчките кои се произведени од светски брендови кои производството го селат во Кина поради евтината работна сила. - Големите брендови од Европа и Америка отвораат таму свои фабрики и под строго контролирани услови ги произведуваат играчките. Нивните производи треба да се разликуваат од оние сомнителните кои се произведуваат како фалсификати од кинески компании. Тие се и многу поевтини. Како пример можат да послужат, најновиот хит, играчките „бакуган“, кои ние ги увезуваме. Најевтините од овие играчки се од 200 денари, но се сигурни и совршено се изработени. Но, веднаш на пазарот се појавија и фалсификати кои чинат 50 денари. Тоа е топче кое внатре има магнет и при тркалање се отвора и од него излегува чудовиште. Тие кои не се оригинали, се растураат по пет дена и плус магнетчето во нив се гледа, детето може и да го проголта - вели Виолета Трајковска од „Теа колорс“. Таа вели дека за секоја играчка која ја увезуваат има сертификат од по 20 страници од компанијата во која детално се наведува од кои материјали е составена играчката и во колку проценти се застапени, а потоа нашите санитарни служби дополнително земаат примерок од секоја играчка и ја испитуваат. Татјана Тасевска од Организацијата на потрошувачите вели дека никој досега не се пожалил на опасните кинески играчки, но потенцира дека луѓето не можат да знаат дали во нив има отровни елементи или се штетни. - Тоа е работа на санитарните служби кои треба да испитуваат - вели Тасевска. Кукли полнети со валкана амбалажа од фаст фуд Индустриски отпад, вклучувајќи валкани ткаенини, хартија и искористени пакувања за брза храна се дел од материјалите со кои се полнеле некои евтини играчки произведени во Кина, известија неодамна кинеските медиуми. Според кинеските медиуми, кадифените играчки со бактерии или вируси во нив може да предизвикаат надразнувања кај децата, па дури и посериозни болести. Податоците за минатата година кажуваат дека над 20 милиони играчки произведени во Кина се повлечени од пазарот затоа што не биле комплетно безбедни за користење. Европската комисија соопшти дека над 50 отсто од опасните производи се со потекло од Кина."извор; Време
_____________________________
Животот е убав за оние кои знаат да го живеат.
|