Дали сте свесни дека сте бремени цел месец? Нивото на труднички хормони расте, затоа утринските мачнини секој ден се полоши. Иако се викаат утрински, можат да се појават во текот на целиот ден, па дури и навечер или во текот на ноќта. Со нив обидете се да се борите со правилно распоредени оброци во текот на целиот ден. Оброците нека бидат помали и урамнотежени. И уште еден мал совет: во текот на ноќта имајте покрај вас неколку бисквити. Пред да станете наутро, полека изедете ги. Желудникот така ќе има работа и можеби ќе успеете да го излажете да заборави« на мачнината.

Во градите можете да осетите болка, можеби и од појака природа, а темниот дел на брадавиците, може уште повеќе да потемни. Сите тие промени настануваат како резултат на зголемено доаѓање на крв во градите, па дури и поради делувањето на хормоните прогестерон и естроген кои сега се многу покачени.

Количината на крвта и плазмата во телото се зголемува. Затоа ве советуваме дневно да пиете барем 1,5 л вода која треба рамномерно да ја распределите во текот на денот. Обидете се да ги исфрлите газираните пијалоци, во нив има многу шеќери, а тоа на некои трудници може да им предизвика поголема мачнина. Заменети ги со сокови, чај или најдобро - обична вода. Бидејќи прогестеронот го забавува варењето и ги шири цревата, трудниците имаат чувство на надуен стомак, а можат да се пожалат и на прекумерни гасови. За жал и тоа е природен процес и дел од нормална бременост.

>>  Плод во 6. недела
>>  Тато во 6. недела