Телото се подготвува за породување. Плодот кај прворотката се спушта, вратот и грлото на матката омекнуваат, а можат веќе да почнат и да се отвараат. Некои гинеколози во последните недели, односно денови од бременоста прават вагинален преглед со кој проверуваат дали грлото на матката се отвара. Без разлика каква е состојбата на грлото на матката, никој не може со сигурност да каже кога точно ќе почне породувањето.

Во деновите пред породувањето може ќе приметите некои знаци, кои не треба да ве збунат, бидејќи не значи дека породувањето ќе започне веднаш штом тие ќе се појават. Во тие знаци влегува: крвав вагинален секрет, зголемен апетит, пролив... Крвавиот и по малку слузав секрет излегува неколку дена пред почетокот на породувањето.

Сега веќе можете да почнете да ги броите последните минути од бременоста, секако ако веќе не го милувате најубавото бебе на светот. Кога ќе се вратите дома и кога ќе ги соберете сите впечатоци од породувањето, ве повикуваме да ги споделите со нас.

>>  Плод во 39. недела
>>  Тато во 39. недела