Со голема радост ви кажуваме дека најкритичниот период во развојот на плодот е завршен, сега на ред е уште побрз развој од минатите недели. Во почетокот на оваа недела плодот е голем околу 3 см, а на крајот на неделата дури 5 см. Неверојатно, морате да признаете! Обликот на плодот е прилично смешен, бидејќи главата зазема дури половина од целокупното тело. Секако, тој однос ќе се промени со развивање на плодот.

Оваа недела почнува да се развива црнката на окото, а на прстињата се појавуваат мали ноктиња. Освен тоа, до крај се развиваат очните капаци, па плодот ќе може да ги отвори очите. И колку е тежок плодот? Дури 7 грама.

На крај од оваа или на почетокот од следната недела ќе се воспостави крвоток меѓу матката и плодот, со други зборови, постелката ќе почне да ја врши својата задача.

>>  Мама во 11. недела
>>  Тато во 11. недела