/11 /11

Телото  подобро го искористува витамин Д кој е добиен од сонцето отколку тој добиен од храната. Ако има недостаток на витамин Д телото не може да го апсорбира калциумот. Затоа коските стануваат слаби и лесно кршливи.

Искористете ги лековитите својства на сончевите УВ зраци и придржувајте се до препораките за нивно сигурно користење во тераписки цели.

Планирајте редовно изложување на сонце, а не да е тоа само неколку дена, недели во тек на летниот годишен одмор.  

Шетајте на свеж воздух.  

Никогаш не се “пржите” на сонце. 

Најдобро време за сончање е во пролет и рано лето.  

Сончајте се рано наутро. На Исток се смета дека изгрејсонцето е време од денот со најголем потенцијал. Во Кина во утринските часови во парковите луѓето вежбаат тај чи свртени кон исток, кон сонцето кое излегува. Во Индија денот го започнуваат со Поздрав на сонцето.

Внесувајте свежа храна богата со антиоксидакси и бета-каротен, отфрлете ја преработената храна.

Иако стоењето на сонце има бројни предности треба да се внимава и не треба да се претерува. УВ зрачењето е штетно само ако се претера со престој на сонце.

За несреќа, стравот од престојување на сонце денес стана раширена параноја. Време е да се исправи таа грешка и повторно да го воведеме сонцето во нашите животи. 

Искористете го времето кога е ведро и поминете на сонце секој ден по 15-20 мин. Тоа време ќе осугура доволна количина на витамин Д за да имате оптимално здравје.

пишува Д-р. мед.сци. Маја Милованчева-Поповска, интернист-нефролог