Фото:Canva/Предменструалниот синдром е резултат на сложена интеракција меѓу хормоните, нервниот систем и животниот стил, а не само нормален дел од циклусот што треба да се игнорира.

/11 /11

Но ПМС не е само „малку хормони“. Тоа е комплексна состојба што влијае на телото, умот и секојдневното функционирање.

Што всушност е ПМС?

ПМС опфаќа група од физички, емоционални и психолошки симптоми што се јавуваат една до две недели пред менструација и исчезнуваат со нејзиното започнување.

Кај некои жени е благ, кај други значително го нарушува квалитетот на живот.

Повеќе од хормонални флуктуации

Иако промените во естрогенот и прогестеронот играат улога, ПМС е резултат на повеќе фактори:

-          Мозочна хемија. ПМС е поврзан со чувствителност на серотонинот, хормонот на среќата. Намалениот серотонин може да доведе до: раздразливост, тага, анксиозност и плачливост.

-          Исхрана и нутритивен статус. Недостатокот на: магнезиум, витамин Б6 или железо може да ги засили симптомите.

-          Сон и замор. Недоволниот или неквалитетен сон ја намалува способноста на телото да се справи со хормоналните промени.

-          Стрес и емоционално оптоварување. Хроничниот стрес може: да го влоши ПМС-от, да ја зголеми болката, да ги засили емоционалните реакции.

Чести симптоми што не треба да се игнорираат

• силни промени во расположението,
• болки во градите,
• надуеност,
• главоболки,
• замор,
• намалена концентрација,
• чувство на „губење контрола“.

Ако симптомите те спречуваат да функционираш нормално не се нормални и заслужуваат внимание.

Како да си помогнеш?

Промени во животниот стил

• редовна физичка активност,
• подобар сон,
• техники за релаксација.

Балансирана исхрана

• повеќе сложени јаглехидрати,
• помалка консумација на шеќер и сол,
• доволнен внес на вода.

Суплементи и терапија

Кај некои жени помагаат:

• магнезиум,
• витамин Б6,
• хормонална или симптоматска терапија (по совет на лекар).

Кога ПМС станува ПМДД?

Кај мал број жени, симптомите се екстремни и се работи за предменструално дисфорично нарушување (ПМДД), состојба што бара стручна помош.

ПМС не е слабост, не е претерување и не е „само во главата“.

Тоа е реална состојба што заслужува разбирање, грижа и поддршка. Кога ќе го слушаш своето тело и ќе побараш помош кога ти е потребна, ПМС може да стане поднослив, а не доминантен дел од твојот живот.