/11 /11

Право на користење на помош за опрема на новороденче има еден од родителите, државјанин на Република Македонија со постојано место на живеење во Република Македонија за дете родено на територијата на Република Македонија. 
Помошта за опрема на новороденче се утврдува од просечната плата исплатена по вработен во Република Македонија во првата половина од претходната година.(основицата) 
Висината на помошта за опрема на новороденче се утврдува во зависност од просечниот месечен приход на семејството на подносителот на барањето за остварување право на помош за опрема на новороденче, за првородено дете остварен во претходните три месеца пред поднесување на барањето. 
Висината на помошта за опрема на новороденче во зависност од остварениот просечен месечен приход на семејството на подносителот на барањето за остварување на право за опрема на новороденче изнесува:

• 25% од основицата, за подносител на барање за остварување на право, чиј просечен месечен приход на семејството изнесува над 50% до 150% од основицата;
• 15% повеќе од износот утврден во алинеја 1 од овој став, за подносител на барање чиј просечен месечен приход на семејството изнесува под 50% од основицата;
• 70% помалку од износот утврден во алинеја 1 од овој став, за подносител на барање чиј просечен месечен приход на семејството изнесува над 150% од основицата и 
• 95% помалку од износот утврден во алинеја 1 од овој став, за подносител на барање чиј просечен месечен приход на семејството изнесува над 200% од основицата.

Приходи врз основа на кои се утврдува висината на износот на помошта за опрема на новороденче, се сметаат приходите остварени по сите основи како приход на целото семејство од членот 21 од Законот за заштита на децата. 
По исклучок од ова како приходи на семејството не се сметаат: детски додаток, посебен додаток, паричен надоместок за телесно оштетување, паричен надоместок за трошоците за згрижено дете во дом-семејство, паричен надоместок за помош и нега од друго лице и помош во случај на елементарни непогоди.
Постапката за остварување на правото за заштита на деца се поведува по барање на родителот, односно старателот на детето. 
По барањето за остварување на правото за заштита на децата решава центарот за социјална работа, надлежен за подрачјето на кое подносителот на барањето има живеали{те.а барањето за остварување на правото за помош за опрема на новороденче се поднесува во местото во кое мајката има постојано место на живеење. 
Остварувањето на едно од правата за заштита на децата, не го исклучува користењето на друго право согласно со Законот за заштита на децата. 
По жалба против решението на центарот за социјална работа, решава министерот кој раководи со органот на државната управа надлежен за заштитата на децата. 
Жалбата не го одложува извршувањето на решението.