/11 /11

Волшебната убавина и совршеното тело, на кое годините не оставаат траги, се уште ја красат една од најубавите жени на светот.

Појавувајќи се во елегантен црн фустан на Roberto Cavalli, Наоми Кембел воодушеви со својата улога на домаќинка, на хуманитарна вечера во Лондон.

Виткото, вретенасто тело на бившиот супермодел подеднакво воодушевува како и пред дваесет години, кога го жареше и палеше модниот свет, фрлајќи го во втор план проблемот со косата, кој ги наполни медиумите во последните неколку денови.

Фотографиите на кои јасно се гледа дека убавата манекенка рапидно ја губи косата, секојпат одново ја шокираат јавноста. Овој пат се чини дека "Црната пантерка" конечно се соочи со својот проблем.

Големите напори кои ги вложи за да ја покрие ќелавоста, 42 годишната Наоми ги пренасочи на истакнување на безвременската убавина и силниот сексипил, кој не бледее.