Ако сте пар кој сака да има деца, можеби некој наш совет ќе Ви помогне тоа побрзо да го остварите. Дали знаевте дека...?
Машките сперматозоиди можат да преживеат во просек два до три дена во телото на жената. Женската јајце клетка има максимален живот од 12-24 часа и тогаш жената е плодна. Идеален однос кој може да доведе до зачнување е два часа пред овулација.И во сексот важат законите на гравитација. Секако дека може да забремените ако односот се случил во стоечка позиција, но таа положба сепак го отежнува доаѓањето на јајце клетката до сперматозоидот. На тој начин спермата лесно истекува од вагината, а би требало да тече кон внатре. Заради тоа, кога сакате да забремените избегнувајте секс од стоење, или положба кога жената е горе. Одлучете се за положба во која двајцата лежите на страна, а мажот е зад жената.Жените кои се заштитувале со контрацептивни средства не мораат подолго од другите да чекаат за зачнување. По престанувањето на апчињата за контрацепција потребно е малку време додека циклусот повторно се воспостави, но најчесто и во првиот циклус доаѓа до овулација. Дури се смета дека жените по престанувањето на таблетите се поплодни и дека имаат и друга овулација во месецот, бидејќи истата била подолго време спречувана.Ако сте често во мрак, работите во ноќна смена, долго време сте будни, или излегувате и живеете ноќе, Вашето тело произведува мелатонин, хормон кој го успива телото и ја одложува или спречува овулацијата. Ако спиете дење, а сте активни ноќе, таквиот начин на живот може да го поремети Вашиот циклус и плодност, на кои им треба многу дневна светлина.Колку почесто мажот доживува оргазам и ејакулира, квалитетот на спермата расте. Долгата апстиненција, за да се осигура квалитетот на сперматозоидите, нема смисла.Обилната консумација на алкохол кај жената може да ја влоши редовноста на циклусот, менструацијата може да доцни и изостанува, а со тоа да задоцни или потполно да изостане овулацијата. Консумацијата на алкохол кај мажите влијае негативно на хормоните задолжени за производство на сперматозоиди и на нивниот број. Не морате потполно да се откажете од чаша пиво или вино на ден, но избегнувајте честа и обилна консумација на алкохол.Жените кои сакаат да забременат можат слободно да патуваат, но би требало да се откажат од патување во егзотичните краеви. Промената на клима и евентуалната вакцинација можат да го исфрлат телото од рамнотежа и да го пореметат циклусот.Ладниот туш ја поттикнува бројноста на сперматозоидите, а со тоа ја зголемува и можноста за зачнување. Но ладниот туш пред секс нема да даде никакви резултати бидејќи сперматозоидите созреваат три месеци порано. Од друга страна, жешкиот туш има негативно дејство бидејќи може да го намали производството на сперматозоиди, а и ги оштетува истите.Воспаленијата и инфекциите во устата можат толку да го оптеретат телото што и плодноста ќе биде намалена. Кај мажите може да дојде до производство на лоши сперматозоиди, а жените исто така треба да внимаваат на пломбите, бидејќи е утврдено дека амалгамските пломби можат да влијаат на плодноста.Жената може да забремени и ако не доживее оргазам. Но оргазмот може да ги зголеми шансите за зачнување бидејќи доаѓа до контракција на материцата која ги повлекува сперматозоидите поблиску до јајце клетката.Колку е предиграта поинтересна, толку вагината на жената ќе биде повлажна. Тоа ја олеснува пенетрацијата и го подобрува транспортот на сперматозоидите кон јајце клетката.Останете здрави во текот на зимата, јакнејќи го својот имунитет на природен начин. Препаратите против настинка и грип спречуваат влажнење на половите органи што е неповолно за забременување.
Ти се допаѓа статијата? Кликни “Like” и додај свој коментар:
Слични содржини, кои ги читаат другите корисници
Баба ми, 61 година, беше мојата сурогат ма...
Мажот запознава жена. Се сакаат. Потоа доаѓа и бебе. Тоа е толку едноставно. Или не е? Оваа седмица Yahoo Parenting обја...
3
Витамини за плодност за мажи
За танго се потребни двајца, па не заборавајте за витамините за плодност на мажи!
3
Ти еднаш победи, зошто сега ја губиш надежта?
Науката вели дека количината сперма што се ослободува откако возрасен здрав маж ќе оствари контакт, содржи 400 милиони с...
3
Дали е можно да се добие лажен тест за бре...
Ништо не може да ви го промени животот толку, како што може да биде тест за бременост. Дали навистина може да добиете ла...
3
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
/11
