/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

За жал, покрај уживањето, постои и помалку убавата страна на капењето во базените и другите центри за капење, па треба да знаете како да ги заштитите децата. Тоа се физичките ризици (опасност од повредување во вода, сончаница и слично), хемиски ризици (присуство на разни хемиски материи во водата) и микробиолошки ризици.

Што треба да се знае кога се во прашање микробиолошките ризици?

Микробиолошките ризици претставуваат  изложеност на патогени микроорганизми, кои можат да предизвикаат одредени здравствени проблеми, а кои во организмот на капачите можат да се најдат на следниот начин:

• Внесување на загадена вода преку устата и слузокожата и органите за варење. Како последица на тоа можат да настанат цревни инфекции пропратени со стомачни тегоби, покачена телесна температура, повраќање и/или пролив, со можна појава на компликации во вид на менингитис, кој обично се појавува во поблаг облик.
• Заради задржување на нечиста вода во надворешниот ушен канал и заради нестручно чистење со стапче за уши, може да дојде до воспаление на увото.
• Слузокожата на мокрачно – половите органи може да биде влезно место на разни микроорганизми кои можат да предизвикаат инфекција на тие органи.
• Со вдишување на вода или при засркнување, настануваат инфекции на дишните патишта.
• Преку кожата – појава на гливични, бактериски и вирусни инфекции на кожата и очите.

Кои групи на капачи треба да обрнат посебно внимание?

Бидејќи предизвикувачите на инфекции во водата се прилично разредени, количината на водата која може да се голтне е мала, здравата кожа на возрасните и постарите деца претставува добра бариера за бактериите, па затоа може да се каже дека најризична група се децата до 3 години, а посебно малите деца до една година.

Во втората група спаѓаат лица со ослабен имунолошки систем и лица кои имаат оштетувања на кожата и слузокожата. Ризикот од зараза е поголем доколку површината на водата е помала и неистечна, па се постигнува поголема концентрација на патогени микроорганизми.

Кои фактори го зголемуваат ризикот од појава на инфекции?

Потенцијални дополнителни ризици се:

• Поголем број на капачи во однос на капацитетот на базенот или центарот за капење.
• Висока температура на водата.
• Нехигиенско однесување на капачите.
• Долготрајно седење во вода, посебно во плитка вода.
• Голтање на вода.
• Нуркање, посебно со отворени очи, без заштитни наочари или маска.
• Капење на деца помали од три години и посебно чувствителни лица.
• Нередовна контрола на квалитетот и исправноста на водата од надлежните служби.
• Неспроведување на хигиенски мерки од страна на капачите.