Децата сакаат куќни работи
Низ игра вклучете го детето во куќните работи. Нека Ви помогне во готвење, класифицирање на облеката, чистење на купатилото (тоа најмногу ќе го воодушеви). Вистина е дека работата многу побрзо ќе ја завршите сами, но освен детската радост и чувство на важност, ќе го научите дека сите членови на семејството рамноправно треба да учествуваат во куќните работи. За секоја извршена работа наградете го.

Играчки

Детето на 2. години старост веќе не сака да позајмува играчки, иако сака да си игра со играчките на другите деца. Во овој период веќе подолго време си игра само, но сеуште му е потребна помош од домашните, кога играчката не сака да се “однесува” како што тоа замислило. Најдраги му се игрите со кои го имитира однесувањето на возрасните. Со задоволство готви, телефонира, удира со чекан, се чешла...ужива во игри со големи топки, обожава балони, му требаат коцки, хартија и темперни бои за сликање со прсти и дрвени боички. Боиците треба да бидат подебели, без остар врв за да не се повредат, а истото важи и за пастелните боички. Многу е важно детето низ игра да ги развива говорните, фините моторички и моторичките способности, можноста за емпатија,...

Кога детето е надвор, дозволете му да си игра со вода, песок, каменчиња, школки, глина,...Иако ќе имате повеќе работа со валкана облека, дозволете му на детето во целост да ја доживее играта, па и валканата. Тоа мора да ги запознае сите материјали, мора да дознае од што се создадени предметите и како работат. Возрасните многу работи прават автоматски, а детето мора да ги научи различните зафати. Тоа мора да ги научи основните техники: полнење и празнење, сложување,...

И уште едно предупредување – секогаш уверете се дека ниедна играчка нема остри рабови или ситни делови кои детето може да ги скрши, голтне или аспирира.

Моето малечко
Развојни фази
Здравје и нега
Исхрана
Добро е да се знае
Си играме