ripce
|
БРИТАНКА ВО ОБИД ДА ДОБИЕ ПОРОД Забременила благодарение на советот што го добила на интернет Лора Метсон на веб-страница за неплодност разговарала со жени што и' препорачале да направи тест за антипатернални цитотоксични антитела, што помогнало целосно да и' се смени животот 
Лора со својот син Вилијам, кој го родила откако по осум
спонтани абортуси примила соодветна терапија По осум спонтани абортуси во две мачни години, Британката Лора Метсон (29) речиси се откажала од надежта дека некогаш со сопругот Пол ќе имаат свое дете. И покрај сериите тестови, лекарите не успеале да откријат зошто таа постојано ги губи неродените бебиња. Но откако наишла на веб-страница за неплодност и разговарала со жените што минале низ истите проблеми како таа, Лора добила информации што целосно и' го смениле животот, јавува британскиот весник „Дејли мејл“. Таа добила совет да направи специфичен тест на крвта кој открил дека страда од ретко нарушување поради кое нејзиното тело го отфрла фетусот како туѓо тело зашто содржи гени од нејзиниот сопруг. По терапијата во која и' биле инјектирани бели крвни зрнца од нејзиниот сопруг, Лора конечно забременила и го добиле синот Вилијам, кој сега има осум недели.Мојата бременост беше водена како по учебник. Моментот кога по породувањето ми го ставија Вилијам на градите, во мене се родија илјадници чувства што не можев да ги опишам - вели Лора.Таа го имала првиот спонтан абортус во јули 2005 година, а потоа и во ноември истата година. Ситуацијата се повторила во април, јуни и јули 2006 година, како и во февруари, април и јуни 2007 година.
- Кога жената спонтано го губи плодот лекарите обично не прават никакви тестови се' до третиот абортус, но мојот лекар ме прати на тестирање по вториот. Тестовите покажаа дека ни кај мене ни кај мојот сопруг нема никаков проблем. А јас повторно имав спонтан абортус. По петтиот абортус бевме подложени на исцрпно тестирање и кога сите резултати покажаа дека се' е во ред, лекарите ми рекоа дека веќе нема што да прават - вели таа.Нејзиниот сопруг Пол (39) има 11-годишен син од претходниот брак, а и сите нивни пријатели имале деца.Ме уништуваше помислата дека нема да можеме да имаме дете. Не верував дека станува збор за лоша среќа дури ни по петтиот спонтан абортус. Не сакавме да престанеме да се обидуваме, па по неколку години да жалиме што не сме ги испитале сите можности. Постојано одевме на тестирања и постојано резултатите беа нормални, а јас повторно имав спонтани абортуси. Тогаш, истражувајќи на интернет, сосем случајно открив една веб-страница за неплодност - вели Лора. Една жена, со која Лора разговарала преку форумот на таа веб-страница, и' препорачала да направи тест за антипатернални цитотоксични антитела, кој во Британија може да се направи во приватната болница „Портланд“ во западен Лондон.  Тестот покажа дека причината поради која јас постојано имав спонтани абортуси е тоа што мојата крв воопшто не содржи заштитни антитела за „борба“ со гените на мојот сопруг. Затоа секојпат кога ќе забременев, моето тело го отфрлаше фетусот - вели Лора. Двојката била подложена на лимфоцитна имунолошка терапија, при која на Лора и' биле инјектирани бели крвни зрнца од нејзиниот сопруг: еднаш интравенозно и четири пати поткожно на рамењата. На овој начин била спречена „алергиската“ реакција во период од три месеци, со што на Лора и' била дадена можност да забремени. Таа успеала да забремени во септември минатата година, при крајот на „безбедниот период“. Терапијата ги чинела околу 1.000 фунти.Вредеше секое пени. Ако некоја жена ја прочита мојата приказна и како резултат на тоа успее да добие дете, ќе биде повеќе од вредно - вели таа.Повеќекратните спонтани абортуси се случуваат кај една од 300 жени. Обично не може да се најде причина за тоа, иако се смета дека биолошките механизми што ги оневозможуваат мајките да создадат имунолошки реакции неопходни за одржување на бременоста се причина за 50 отсто од абортусите.Експертите од Кралскиот колеџ за гинекологија досега укажуваа дека не постои доказ за придобивки од овој вид тестирање и терапија. Не станува збор дека терапијата не е ефикасна, туку анализата во 18 клинички тестирања покажа дека не прави голема разлика. Можеби била ефикасна во случајот на госпоѓа Метсон и прекрасно е да се знае дека по осум спонтани абортуси таа го добила многу посакуваното дете - вели националниот директор на Кралскиот колеџ за гинекологија Рут Бендер Атик.
_____________________________
"Кога сте мајка никогаш не сте сами во своите мисли. Мајката секогаш мора да мисли два пати, еднаш за себе и еднаш за своите деца."
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
таа е тотален фрик, тоа и се очекуваше од неа...да сака слободен брак...
Zoom 
