Се ближи крајот. Скоро уште 6 недели и ќе се запознаете со вашето малечко кое веќе осум месеци го носите во вашиот стомак. Вашите мисли се насочени кон породувањето и нега на новороденчето. Во школата за идни родители детално ќе ви објаснат како изгледа породувањето и неговите три фази, затоа на кратко ќе ги повториме. Првата фаза од породувањето почнува кога контракциите ќе станат редовни. Подгответе часовник со кој ќе ги мерите. Времето меѓу контракциите е време меѓу почетокот на две контракции. Добро ќе ви дојде и податокот за траење на контракциите. Ќе се изненадите кога ќе ви кажат дека една контракција трае повеќе од една минута. Контракциите на почетокот ќе бидат прилично нежни, но со време ќе станат се појаки и почести. Првата фаза од породувањето е најдолга, бидејќи трае и по неколку часа. Обично почнува дома, а се завршува на креветот за породување. За време на првата фаза се шири грлото на матката, кое откако ќе се рашири потполно (10 см ) започнува втората фаза од породувањето- туркање на детето. Оваа фаза се завршува со раѓање на детето. Со тоа главната работа е завршена, но породувањето сеуште трае. Додека вие уживате во првите моменти со своето новороденче, започнува третата фаза од породувањето, во која се ослободува постелката. Повеќето мајки за оваа фаза воопшто не се свесни, бидејќи се презафатени со воодушевување на новороденчето и броење на прстињата.

Веднаш по породувањето бабицата ќе ви покаже како да го доите бебето. Ќе ве обземе незамисливо чувство кое засекогаш ќе ви остане во вашето сеќавање, но и на таткото.

И уште ова: во постелката веќе почнал да се лачи хормон кој што овозможува создавање на млеко во градите.

>>  Плод во 34. недела
>>  Тато во 34. недела