Да, вашата кожа на лицето сеуште изгледа тинејџерски. Бубулички на челото, образите, носот повторно излегуваат една по друга. И тоа баш сега кога помисливте дека хормоните веќе се смируваат. Без паника, се ќе дојде на свое место. Кога ќе се роди бебето, нормално.

Некои трудници сеуште ја минуваат бременоста без никакви компликации и проблеми, а само стомакот кој расте ги потсетува дека ќе станат мамички. Други пак во огледалото беспомошно ја гледаат својата сува кожа, лишаите и осипот на одредени места. Најчесто на деловите каде кожата се растегнува, значи на стомакот, градите и нозете...

Овде само да ви препорачаме: мачкајте се со крема против стрии, а понекогаш и со обично млеко или масло за тело кои исто така можат да го намалат чешањето, па дури и појавата на стрии. За жал, не можеме да тврдиме дека сосема ќе се изгубат. Тоа зависи и од структурата на вашата кожа.

>>  Плод во 19. недела
>>  Тато во 19. недела