/11 /11

Имено, првото запче во просек се појавува меѓу 5. и 8. месец од животот на бебето. Избивањето на запчињата може да помине безболно, но во главно бебињата се нервозни во тој период, имаат згoлемено лачење на плунка, имаат болни и отечени небца – се на се', тие се во период на болка. Ќе им помогнете така што ќе им дадете играчки кои можат да ги гризат и на тој начин да ги масираат небцата.

Од 5. до 8. месец

Во повеќето случаи во овој период се јавуваат првите запчиња. Најчесто тоа се долните секачи.

Од 7. до 9. месеци

По долните секачи, на ред се горните секачи.

Од 8. до 10. месеци

Откако ќе избијат двата горни секачи, почнуваат да се јавуваат и запчињата покрај нив.

Од 9. до 12. месеци

До првата година на бебето ќе му никнат и соседните запчиња, на долните секачи.

Од 10. до 18. месеци

Во овој период се појавуваат и првите катници.

Од 18. до 22. месеци

По катниците на ред се очните запчиња. Сега веќе бебето има убаво нанижани заби.

Од 20. до 32. месеци

До 32. месец на бебето ќе му пораснат и долните катници и сега бебето има вкупно 20. запчиња.